‘दैजी औद्योगिक क्षेत्रमा तत्काल प्रोजेक्ट अफिस राख्छौ’ ; मन्त्री दिलेन्द्र प्रसाद बडू

काठमाडौँ – उद्योग, वाणिज्य तथा आपुर्ति मन्त्री दिलेन्द्र प्रसाद बडूले कञ्चनपुरको बेदकोट नगरपालिकामा रहेको दैजी औद्योगिक क्षेत्रको अवलोकन गरेका छन् ।

सोमबार मन्त्री बडू सँगै उच्च पदस्थ व्यक्तिहरुले सो क्षेत्रको अवलोकन गरेका हुन् । अवलोकन टोलीमा मन्त्री बडू, उद्योग, वाणिज्य तथा आपुर्ति सचिव, सहसचिव, औद्योगिक क्षेत्र व्यवस्थापन लिमिटेड बालाजुका महाप्रबन्धक सहित पूर्व मन्त्री रमेश लेखक लगायतको टोलीले सो क्षेत्रको अवलोकन गरेको हो । अवलोकनका क्रममा मन्त्री बडूले तत्काल प्रोजेक्ट अफिस राखेर सो क्षेत्रमा काम अघि बढाउने प्रतिबद्धता व्यक्त गरेको बेदकोट नगरपालिकाका प्रमुख अशोक कुमार चन्दले जानकारी दिए । छेला औद्योगिक क्षेत्र सुदूरपश्चिमको एक मात्र औद्योगिक क्षेत्र हो ।