मदन गिरी
महेन्द्रनगर २८ जेठ । कञ्चनपुरको वेदकोट नगरपालिका स्थीत छेला औद्योगीक क्षेत्रको काम अगाडी बढाउन स्थानीय सहमत भएका छन् । मंगलबार औद्योगिक क्षेत्र व्यवस्थापन लिमिटेड बालाजुले गरेको सार्वजनकि सुनावाई कार्याक्रममा स्थानीयले दैजी–छेला औद्योगिक क्षेत्रको काम अगाडी बढाउन सहमती जनाएका हुन ।
सुदूरपश्चिम प्रदेशका उद्योग वन वातावरण तथा पर्यटन राज्यमन्त्री प्रकास रावलले दैजी औद्योगीक क्षेत्र प्रदेशकै समृद्धीसँग जोडीको बताए । औद्योगीक क्षेत्र बालाजुले मंगलबार गरेको सार्वजनिक सुनवाई कार्यक्रममा बोल्दैँ प्रदेश राज्यमन्त्री रावलले यस्तो बताएका हुन् ।
प्रदेशको एक मात्रै औद्योगिक क्षेत्रका रुपमा रहेकाले यसले सुदूरपश्चिमकै समृद्धीलाई जोडेको बताए । साथै प्रदेश सरकारले औद्योगीक क्षेत्रको स्थापनालाई प्रमुख प्राथमिकतामा राखेको उनको भनाई छ । साथै दैजी औद्योगीक क्षेत्र स्थापनामा जनप्रतिनिधिको भुमीका महत्वपुर्ण रहेकोले उल्लेख गरे ।
त्यस्तै जिल्लाका महाकालीमा सुख्खाबन्दर गाहका सञ्चालनका लागि समेत केन्द्रसँग पहल भईरहेको बताउँदै बन्दरगाह भारतसँग जोडीएको विषय भएकाले केन्द्र सरकार कुटनितिक माध्यमबाट प्रक्रिया सुरु गर्न आग्रह समेत गरे ।
छेला औद्योगिक क्षेत्र सञ्चालन गर्न सबै सकारात्मक छनः मेयर चन्द
वेदकोट नगरपालिकामा स्थापना हुन लागेको देजी औद्योगिक क्षेत्र सञ्चालनका लागि सरोकारवाला सबै निकाय सकारात्मक रहेको नगर प्रमुख चन्दले बताए । उनले लामाे समय पछि औद्योगिक क्षेत्र सञ्चालन हुन लागेकोमा स्थानीय खुसि भएको बताए ।
साथै स्थानीयले औद्योगिक क्षेत्रबाट गरेका अपेक्षा परिपुर्तीका लागि नगरपालिका प्रतिबद्ध रहेको बताए । स्थानीयले रोजगारी तथा उद्योग स्थापनामा स्थानीयलाई प्राथमिकता दिनु पर्ने, जलवायु परिर्वतनको प्रभावलाई ध्यान दिने तथा फोहरमैला व्यवस्थापनमा विशेष ध्यान दिन आग्रह गरेका छन् ।
साथै साढे पाँच अर्व रुपयाको लागत अनुमान रहेको दैजी औद्योगिक क्षेत्र तीन वर्ष भित्रमा कार्य सम्पन्न गरिसक्ने लक्ष्य लिएको नगर प्रमुख चन्दको भनाई छ
।
औद्योगीक क्षेत्रको डिपीआर तयार भईरहेको उल्लेख गर्दै नगर प्रमुख चन्दले उक्त क्षेत्रमा सबै खाले भौतीक पुर्वाधारको निर्माण गरिने बताए । त्यस्तै औद्योगीक क्षेत्र बालाजुका महाप्रबन्धक सुवास सिटौलाले औद्योगिक क्षेत्र सञ्चालनका लागि स्थानीय लगायत सरोकारवाला सकारात्मक देखिएको बताए । उनले सार्वजनिक सुनवाईको रिर्पोट तयार पारेर उच्च स्तरि छलफल तथा बैठक गरिने बताए । साथै प्रतिवेदन पास भएको बालाजुले दैजी औद्योगिक क्षेत्रको नाममा नेपाल सरकारले कार्य सञ्चालनका लागि जग्गाको स्वामित्व हस्तान्तरण गर्ने छ ।
करिब नौ सय बिघा जमिन आवश्यक रहेको औद्योगिक क्षेत्रका लागि हाल दुई सय ९३ विघा जमिन दैजीको औद्योगीक क्षेत्रको नाममा रहेको छ ।
