सुदूरपश्चिम खबर
sudurpashimkhabar.com

‘नेपालमा जलवायु परिवर्तनको असर, नखाएको विष लाग्यो’

राष्ट्रपति विद्यादेवी भण्डारीले विकसित देशले उत्सर्जन गर्ने कार्वनका कारण नेपालले जलवायु परिवर्तनको ठूलो असर भोग्नु परेको बताएकी छन् ।

विश्व वातावरण दिवसको अवसरमा बुधबार नेपालगञ्जमा आयोजित कार्यक्रममा राष्ट्रपति भण्डारीले नेपालले जलवायुमा असर पार्ने गरी कार्वन उत्सर्जन नगरेको उल्लेख गर्र्दै ‘नखाएको विष पनि लाग्छ’ भन्ने उखान चरितार्थ भएको बताइन् ।

‘विकसित देशले कार्वन उत्सर्जन गर्छन,’ उनले भनिन्, ‘त्यसको असर हामीले पनि भोग्नुपरेको छ ।’ उनले जलवायु परिवर्तनले हरेक क्षेत्रमा असर पारेको बताइन् । जलवायु परिवर्तनका कारण नेपालका विभिन्न भागमा अतिबृष्टि र अनाबृष्टिले ठूलो असर गरेको उनको भनाई थियो । उनले काम गर्दा जलवायु परिवर्तनको असर नहोस भन्ने ध्यान दिन आग्रह गरिन् ।

World Link Ads
Health Notice Kanchanpur

विश्व वातावरण दिवसको अवसरमा बुधबार नेपालगञ्जमा आयोजित कार्यक्रममा राष्ट्रपति भण्डारीले नेपालले जलवायुमा असर पार्ने गरी कार्वन उत्सर्जन नगरेको उल्लेख गर्र्दै ‘नखाएको विष पनि लाग्छ’ भन्ने उखान चरितार्थ भएको बताइन् ।

Sana Kishan

कार्यक्रममा वन तथा वातावरण मन्त्री शक्ति बस्नेतले नेपाल जलवाय परिवर्तनको जोखिममा परेको चौथो मुलुक भएको बताए । पहिले दिगो विकास प्राथमिकता हुने गरेकोमा अब जलवायु परिवर्तनका कुरा मुख्य बनेको उल्लेख गरे । उनले विकास गर्दा पनि पहिले वातवरणलाई ध्यान दिन सुझाव दिए ।
‘जलवायु परिवर्तन अहिलेसम्म मुद्दाको रुपमा स्थापित भएको छैन,’ उनले भने, ‘जबकी यसको प्रभाव विकराल बन्दै गएको छ । अबको प्रमुख मुद्दा जलवायु परिवर्तन हुनुपर्छ ।’ उनले हिम श्रृंखला पग्लेर हिमाल नांगो बन्दै गएको विकराल अवस्था दर्शाउँदै अब आम जनताको मुद्दा हुनुपर्ने बताए ।

जलवायु परिवर्तनले पार्ने प्रभाव विकराल भए पनि त्यसतर्फ चेतना भने निकै कम रहेकोमा वस्नेतले चिन्ता व्यक्त गरे । अव जलवायु परिवर्तनलाई मुख्य मुद्दा बनाउन ढिलाई गर्न नहुने बताए ।

वन मन्त्रालयले आयोजना गरेको वातावरण संरक्षण तथा जलवायु परिवर्तन विषयको राष्ट्रिय गोष्ठीमा नेपालमा बढी असर भोगेका प्रदेश ५, कर्णाली र सुदुर पश्चिमका मुख्यमन्त्री भने सहभागी भएनन् । उनीहरुलाई निमन्त्रणा गरे पनि सहभागी नभएका हुन् ।

नयाँ पत्रिकाबाट सभारित

Purnagiri Ads
Indreni
सम्वन्धित समाचार
New digital House
जवाफ छाड्नुस्

Your email address will not be published.