धार्मिक तथा पर्यटकीय दृष्टिले प्रसिद्ध तथा मनोरम तर प्रचारप्रसार हुन नसकेको बाजुराको कालाजग्रामा आन्तरिक तथा बाह्य पर्यटक बढाउनका लागि बडिमालिका नगरपालिकाले गन्तव्य यात्रा शुरु गरेको छ । बिहिबार बिहानदेखि नै सदरमुकाम मार्तडीबाट सोही नगरपालिका–७ मा पर्ने पोरखेगढी र कालाजग्रामा सो यात्रा शुरु गरिएको बडिमालिका नगरपालिकाका प्रमुख पदम बडुवालले बताउनुभयो ।
पोरखेगढी र कालाजग्राकमा ५०० आन्तरिक पर्यटक पु¥याउने लक्ष्य रहेको उहाँको यायेजना छ । कालाजग्रा, फातालत र थापोरखे लेकलाई पर्यटकीय क्षेत्र बनाउने उद्देश्यले उक्त नगरपालिकाले पर्यटकीय क्षेत्रको खोजी गरी प्रचारप्रसार गर्न ‘गन्तव्य बडिमालिका कार्यक्रम’ अघि सारिएको प्रमुख प्रशासकीय अधिकृत हीरालाल भण्डारीले जानकारी दिनुभयो ।
नगरपालिका क्षेत्रभित्रका धार्मिक तथा पर्यटकीय क्षेत्रको सम्वद्र्धन र प्रवद्र्धन गर्न उक्त कार्यक्रम सञ्चालन गर्न थालिएको हो । आन्तरिक र बाह्य पर्यटकीय गन्तव्य बनेपछि त्यस क्षेत्रका आसपास बडिमालीका नगरपालिका–७ को ढम्कने, बूढीनन्दा नगरपालिकाका–९ अगाउँपानी क्षेत्रको सीमा क्षेत्र पनि रहकाले त्यो क्षेत्रको पर्यटन प्रवद्र्धन भएमा आर्थिक विकासमा टेवा हुने नगरपालिकाको विश्वास छ ।
दशकौँ वर्षदेखि सुनसान रहेको त्यस क्षेत्रमा हरेक वर्ष घुम्न जानेको सङ्ख्या बढ्दै गएकाले व्यवस्थापनका लागि प्रचारप्रसार गर्न सो कार्यक्रम थालिएको वडा नं ७ का वडाध्यक्ष धर्मराज पाध्यायले बताउनुभयो ।
