लिप्नामा जिप दुर्घटना, दुई जनाको मृत्यु

कञ्चनपुर । कञ्चनपुरको दैजीदेखि डडेल्धुराको परशुराम नगरपालिका ९ मा सलेता गइरहेको जिप लिप्नामा दुर्घटना भएको छ । दैजीबाट यात्रु बोकेर गइरहेको लु १ ज ४५७९ नम्वरको जिप मंगलबार अपरान्ह दुर्घटनामा परेको हो ।

९ जना सवार उक्त दुर्घटनामा दुई जनाको मृत्यु भएको छ भने एक जनाको अवस्था गम्भीर रहेको सुदूरपश्चिम प्रदेश ट्राफिक प्रहरी कार्यालय ले जनाएको छ । उहाँहरूको सनाखत हुन बाँकी रहेको र प्रहरी टोली घटनास्थल तर्फ गइरहेको बताइएको छ । यस सम्बन्धमा थप विवरण आउन बाँकी छ ।