महेन्द्रनगर । नेकपा(एमाले)का तर्फका उम्मेदवारहरुले बेदकोट नगरपालिकाको मेयर लगयतका पदमा विजयी भए नगरभरीका सामुदायीक विद्यालयहरुलाई प्राविधिक विद्यालयको रुपमाा विकास गर्ने भएको छ । नेकपा एमालेलेको बेदकोट नगरपालिका कमिटिले जारी गरेको प्रतिबद्धता पत्रमा नेकपाएमालेको सरकार नगरमा आए भने सामुदायिक विद्यालयहरुलाई प्राविधिक विद्यालय बनाउने उल्लेख गरेको हो । नेकपाएमालेले बेदकोट कमिटिले ‘समृद्ध बेदकोटको आधार, शिक्षा स्वास्थ्य र रोजगार , कृषि उद्योग, पर्र्यटन र संंचार विकासका पूर्वाधार’ भन्ने मुला नाराका साथ आफ्नो प्रतिबद्धता–पत्र जारी गरेको छ । एमालेले बेदकोटमा स्थानीय उद्योग तथा रोजगारी देखि लिएर सुशासन तथा आर्थिक पारदर्शितासम्मका सपना बाडेको छ । संगसगै बेदकोट नगरपालिकामा नगर चक्रपथलाई यथासिघ्र सम्पन्न गरिने प्रतिबद्धता समेत एमालेलेको गरेको छ । बेदकोट नगरपालिकामा एमाललेले कृषिलाई आधुनिकरण, व्यवसायीकरण तथा औद्योगीकरण कृषिको विकास गरिने जनाएको छ । उसले दैजीदेखि छेलासम्मको सडकलाई चार लेनको बनाउने समेत जनाएको छ । एक वडा एक उत्पादन कार्यक्रम संञ्चालन गरिने उसले जनाएको छ ।
बेदकोटको शिक्षा क्षेत्रमा कक्षा १२ सम्म निशुल्क पढ्ने व्यवस्था गर्ने, स्वास्थ्य चौकीहरुलाई सुविधासम्पन्न बनाउने, जेष्ठ नागरिकहरुलाई ६÷६ महिनामा निशुल्क स्वास्थ्य परिक्षण गरिने, छेला औद्योगीक क्षेत्रको कार्यलाई अगाडि बढाउने पहल गरिने लगायतका एमालेले प्रतिबद्धता गरेको घोषणा पत्रको बारेमा उल्लेख गर्दै नेकपा(एमाले) बेदकोट नगरपालिकाको प्रचारप्रसार संयोजक कृपाराम रानाले बताए ।
कञ्चनपुर जिल्लामा महिलालाई पत्याउने पहिलो पार्टी नेकपा(एमाले) भएको कञ्चनपुर जिल्लाको निर्वाचन क्षेत्र नं. २ बाट निर्वाचित संघिय सांसद नर बहादुर धामीले बताए । उनले नेकपा एमालेलाई जितायो भने महिला उत्थान तथा महिलाहरुको विकासमा टेवा पुग्ने समेत बताए ।
नेकपा(एमाले) ले बेदकोट नगरपालिकामा ५२ पदका लागि हुने चुनावमा २५ जना(झण्डै पचास प्रतिशत) महिला उम्मेदवार बनाएको नेकपा(एमाले) जिल्ला कमिटि सदस्य हिक्मत बहादुर सिंहले बताए । राजनिति क्षेत्र लगायत अन्य क्षेत्रमा महिला प्रतिनिधित्व गराउनको लागि भए पनि बेदकोटमा नेकपा एमालेका उम्मेदवारहरुलाई जिताउनेपर्नेमा उनले जोड दिए । उनले जिल्लामा नेकपा(एमाले)को जनलहर रहेको भन्दै बेदकोटमा आफ्नो पार्टीले जित्ने विश्वास व्यक्त गरे ।
नेकपा(एमाले) बेदकोट नगरपालिाका कमिटिको प्रतिबद्धताहरु यस प्रकारका छन ः
क) शिक्षा
१. बालविकास कक्षाहरुलाई व्यवस्थीत र सुविधा सम्पन्न बनाईने छ ।
२. नगर भित्र रहेका सामुदायीक विद्यालयहरु लाई प्राविधिक विद्यालयको रुपमा विकास गरिनेछ ।
३. आधारभूत तह सम्म स्थानीय पाठ्यक्रम तयार गरि लागु गरिने छ ।
४. निजि श्रोतका शिक्षकहरुले दिर्घकालिन व्यवस्थापनका लागि नगर शिक्षकको रुपमा रपान्तण गरिनेछ ।
५. उच्च शिक्षा अध्ययनका लागि नगरपालिका भित्र सामुदायिक कलेज स्थापना गरिनेछ ।
६. नगर क्षेत्र भित्रका सम्पूर्ण विद्यालयहरुमा ईन्टरनेट जडान गरि शिक्षण सिकाई प्रविधिको पहुचको सुनिश्चितता कायम गरिनेछ ।
७. सामुदायीक र सस्थागत विद्यालय विच समन्वय कायम गरी शिक्षाको गुणस्तर बृद्धिका लागि बिशेष साझेदारी कार्यक्रम संचालन गरिनेछ । ८. आधारभूत देखी माध्यमिक तहसम्मको शिक्षा पुर्ण निःशुल्क गरिनेछ ।
९. स्वच्छ शैक्षिक वातावरणका लागि सुविधा सम्पन्न, भौतिक पुर्वाधारको विकासमा प्राथमिकता दिईनेछ ।
१०. नगर भित्र रहेका विद्यालहरुमा अनुशासित वातावरण श्रृजना गरि गुणस्तर शिक्षामा जोड दिईने छ ।
११. खेलकुद लाई व्यवस्थीत गर्न नगर खेलकुद विकास समिति गठन गरिनेछ ।
ख) स्वास्थ्य सेवा
१. निर्माणाधिन रहेको १५ शैयाको अस्पताललाई नगर अस्पतालको रुपमाा विकास गरिनेछ ।
२. नगरभित्रका अस्पताल, स्वास्थ्य चौकी, सामुदायीक स्वास्थ्य केन्द्रहरुलाई थप व्यवस्थीत गरिनेछ ।
३. प्रत्येक ६÷६ महिनामा जेष्ठ नागरीकहरु तथा दिर्घरोगबाट पिडितहरुको स्वास्थ्य परिक्षण गर्ने व्यवस्था मिलाईनेछ ।
४. युवाहरुमा बढ्दो लागु पदार्थ तथा दुव्र्यसनलार्य न्यूनिकरण गर्न आवश्यक कार्यक्रम गरिनेछ ।
५. प्रादेशिक अस्पतालसंग समन्वय गरी नगर भित्र आवश्यक अनुरुप विशेष सेवाको व्यवस्था गरिनेछ ।
६. स्वास्थ्य विमालाई प्रभावकारी रुपमा अगाडि बढाईने छ ।
७. प्रत्येक वडामा निःशुल्क स्वास्थ्य प्रयोगशालाको स्थापना गरी सेवा प्रवाह गर्ने व्यवस्था मिलाईनेछ ।
८. स्वयंसेवीका तथा आमा समुहहरु लाई सक्रिय बनाई परिचालन गरिनेछ ।
ग) यातायात तथा पूर्वाधार विकास
१. नगर क्षेत्र भित्रको प्रस्तावित बेदकोट नगर चक्रपथलाइ यथाशिघ्र सम्पन्न गरिनेछ ।
२. सबै स्थानीय सडकहरुलाई कालोपत्रे गरिनेछ ।
३. ग्रामिण सडकहल् स्तरोन्नती गरी फराकिलो बनाईने छ ।
४. आवश्यकताको आधारमा नयाँ ग्रामिण सडक तथा स्थानीय सडक खोली यातायताको पहूचको व्यवस्था मिलार्यने छ ।
५. बेदकोट नगर क्षेत्र भित्र रहेका खोला नालाहरुको वहाव लाई सन्तुलित गर्दै सडक सहितको तटबन्ध निर्माण गरिनेछ ।
६. दैजी जोगबुडा सडक खण्डको दैजीछेला सम्मको सडकलाई चार लेनको विस्तार गरिनेछ ।
लगायतका विभिन्न क्षेत्रमा नेकपा(एमाले)ले प्रतिबद्धता जाहेर गरको छ ।
बेदकोट नगरपालिकामा नेकपा(एमाले) बाट मेयर र उपमेयर दुवैपदमा महिला उम्मेदार रहेका छन । नगर प्रमुखमा सुशिला सिंह र नगर उप–प्रमुखकमा पार्वती जोशी प्रतिस्पर्धामा रहेका छन ।
(धर्मा रोकायाले नयाँखबरमा लेखेकी छन्।)
Discussion about this post