काठमाण्डौ — गृह मन्त्रालयले परम्परागत देउसी–भैलो कार्यक्रम २४ सै घण्टा सञ्चालन गर्न दिन ७७ वटै जिल्ला प्रशासन कार्यालयलाई निर्देशन दिएको छ।
मन्त्रालयले नेपाली मौलिक कला, संस्कृति र सामाजिक सद्भावको संरक्षण गर्दै अनुशासित रूपमा देउसी–भैलो सञ्चालन गर्न परिपत्र जारी गरेको हो। देउसी–भैलो पूर्ण रूपमा स्वैच्छिक र मर्यादित हुनुपर्ने तथा कसैलाई पनि चन्दा वा दक्षिणा दिन बाध्य पार्न नपाइने मन्त्रालयले जनाएको छ।
त्यस्तै, अश्लील गीत तथा नृत्य, जुवातास, मादक पदार्थ सेवन गरी होहल्ला गर्ने र लागूपदार्थ सेवन गरी सवारीसाधन चलाउने कार्य नगर्न पनि आग्रह गरिएको छ।
मन्त्रालयले अत्यधिक ठूलो आवाजमा ध्वनि उपकरण प्रयोग नगर्न तथा अस्पताल र वृद्धाश्रमजस्ता संवेदनशील क्षेत्रमा विशेष सावधानी अपनाउन निर्देशन दिएको छ।
Discussion about this post