आज २०८२ साल असोज १२ गते आइतबारको राशिफल

कञ्चनपुर– आज २०८२ साल असोज १२ गते आइतबार। आश्विन शुक्ल पक्षको षष्ठी तिथि । तदनुसार सन् २०२५ सेप्टेम्बर २८ तारिख । कात्यायानी पूजा । विश्व रेविज दिवस । नक्षत्र अनुसार १२ वटा राशि हुन्छन् । चन्द्रमा अनुसार राशि र नक्षत्रका पद अनुसार नाम राखिन्छ । त्यही आधारमा व्यक्तिको दैनिकीको विषयमा भविष्यवाणी हुन्छ। खबरहबका लागि ज्यो। प। सूर्यनाथ लुइटेलले तयार पार्नुभएको आजको फलादेशः

मेष : दिन राम्रो छ । सामाजिक क्षेत्रमा प्रगति हुनेछ । आर्थिक क्षेत्रमा फाइदा हुनेछ । शिक्षामा प्रगति हुनेछ । स्वास्थ्यमा सुधारका संकेत देखिने छन् । पारिवारिक किचलो हुने भने जोखिम छ ।

वृष : दिन सामान्य छ । सम्पत्ति गुम्ने छ । आम्दानी भन्दा खर्च बढ्नेछ । व्यापारमा लगानी नगर्नु उचित हुन्छ । साथी विपक्षी मोर्चामा भएकाले बहुमत गुम्ने जोखिम छ । परिवारको सल्लाह लिएर अगाडि बढ्नु उचित हुन्छ ।

मिथुन : दिन राम्रो छ । धार्मिक क्षेत्रको अलमलले मन शान्त बन्नेछ । शिक्षा, स्वास्थ्य र सामाजिक क्षेत्रमा बढुवा हुनेछ । परिवारभित्र ठुलो विश्वास गर्नाले धोका हुनेछ । काम गर्दा तीन पटक सोच्नुपर्ने समय छ ।

कर्कट : दिन सामान्य छ । बोली र व्यवहारमा एकरुपता नहुँदा साथीभाइ र परिवारले शंका गर्नेछन् । राजनीतिक क्षेत्रमा काम गर्दा सचेत बन्नुपर्ने छ । राजनीतिमा धोका हुने जोखिम छ । मनमा चञ्चलता बढ्नेछ ।

सिंह : दिन सामान्य छ । आफन्तले नै विरोध गरेको सुन्नुपर्ने छ । संकटमा सहयोग प्राप्त नहुने जोखिम छ । राजनीतिक र सामाजिक क्षेत्रमा अवरोध सिर्जना हुनेछ । दाजुभाइसँगको सहकार्यले फाइदा हुनेछ ।

कन्या : दिन सामान्य छ । परिवारको बोझले सताउने छ । आर्थिक कारोबार ठुलो नगर्नु उति हुन्छ । संकटको समयमा परिवारको सल्लाह अनुसार लगानी गर्नु उचित हुन्छ । संकटमा दाजुभाइसँगको सहकार्यले फाइदा मिल्नेछ । प्रेम सम्बन्धमा भने धोका हुने जोखिम छ ।

तुला : दिन राम्रो छ । आम्दानी बढ्नेछ । व्यापार र सामाजिक क्षेत्रमा फाइदा हुनेछ । शिक्षाको क्षेत्रमा ढिलासुस्ती हुनेछ । धैर्य भएर काम गर्नुपर्ने समय छ । परिवारमाथि विश्वास गर्दा धोका हुनेछ ।

वृश्चिक : दिन राम्रो छ । धनलक्ष्मी योग परेको छ । सम्पत्तिको सदुपयोग गर्नुपर्ने दिन छ । स्वास्थ्य र शिक्षामा गरेको लगानीबाट राम्रो आम्दानी हुनेछ । सामाजिक र राजनीतिक क्षेत्रमा तपाईंको प्रशंसा हुनेछ । औषधी नियमित गर्नु उचित हुन्छ।

धनु : दिन राम्रो छ । तपाईंको राशिमा चन्द्रमा पुगेकाले सोचेका काम बन्नेछन् । गुरुसँगको भेटले नयाँ योजना बन्नेछन् । स्वास्थ्य क्षेत्रमा प्रगति हुनेछ । सामाजिक क्षेत्रमा प्रशंसा प्राप्त हुनेछ । परिवारको साथ र सहयोग प्राप्त होला ।

मकर : दिन सामान्य छ । बोल्नु भन्दा पहिला तीन पटक सोच्नु राम्रो हुन्छ । सञ्चित धन खर्च हुनेछ । श्रम शोषण गर्नेसँग सचेत बन्नुपर्ने दिन छ । परिवारमा विश्वास गर्ने बानीले धोका हुने जोखिम छ ।

कुम्भ : दिन राम्रो छ । धार्मिक कार्यमा सहभागी हुँदा मन शान्त बन्नेछ । पुराना साथीसँगको भेटले नयाँ योजना बन्नेछन् । मन चञ्चल हुने भएकाले धार्मिक कार्यमा सहभागी हुनु उचित हुन्छ । संकटमा परिवारको साथ र सहयोग प्रााप्त हुनेछ ।

मीन : दिन राम्रो छ । आम्दानीका स्रोत फेला पर्नेछन् । शिक्षामा गरेको प्रयास सफल बन्नेछ । सामाजिक क्षेत्रमा प्रगति हुनेछ । राजनीतिमा भने सक्रिय नहुनु राम्रो हुनेछ । प्रेम सम्बन्ध सुमधुर बन्नेछ ।