कञ्चनपुर – शिक्षा, विज्ञान तथा प्रविधि मन्त्री महावीर पुनले नेपालमा सुशासन स्थापित गर्न र देशलाई आर्थिक रूपमा सम्पन्न बनाउन युवा नेतृत्व अपरिहार्य रहेको बताएका छन्।
उनले आफ्नो फेसबुकमार्फत सम्पूर्ण नेपालीलाई योग्य, नैतिकवान र दृढ संकल्प भएका युवा जनप्रतिनिधि चुन्नका लागि संगठित भएर चुनावमा सहभागी हुन आह्वान गरेका छन्।
मन्त्री पुनले देशबाट भ्रष्टाचार अन्त्य गर्दै सम्पूर्ण जनतालाई सुशासन दिने सरकारको परिकल्पना गरेका छन्। उनको धारणामा, विदेशी शक्तिको चलखेल रोक्न र प्रत्यक्ष निर्वाचित राष्ट्रपति प्रणाली लागू गर्नका लागि पनि योग्य युवा नेताहरूको खाँचो छ।
उनले ‘कुहिएका’ नेताहरूलाई हटाएर स्वच्छ छविका युवा नेताहरूको अत्यधिक बहुमतको सरकार नबनाएसम्म ठूलो परिवर्तन सम्भव नहुनेमा जोड दिएका छन्। उनले कुनै पनि झै-झगडा नगरी संगठित रूपमा चुनावी तयारीमा लाग्न सम्पूर्ण नेपालीलाई आग्रह गरेका छन्।
Discussion about this post