कञ्चनपुर – मधेश प्रदेशसभाको बैठक यही असोज ७ गते मङ्गलवार आह्वान गर्ने सर्वदलीय सहमति भएको छ । जनकपुरधाममा आज मधेश प्रदेश सचिवालयमा सभामुख रामचन्द्र मण्डलको अध्यक्षतामा बसेको सर्वदलीय बैठकमासहमति भएको प्रदेशसभा सदस्य वीरेन्द्रप्रसाद सिंहले जानकारी दिनुभयो ।
मधेश प्रदेशसभाका सबै राजनीतिक दलले सङ्घीयताको विषयमा एक रहनाका साथै सकारात्मक सन्देश प्रवाह गर्न बैठक आह्वान गर्ने निर्णय भएको सभामुख मण्डलले बताउनुभयो ।
जेनजी प्रदर्शनका क्रममा मधेश प्रदेशसभामा आगजनी एवम् तोडफोड तथा लुटपाट भएका कारण ४० करोड रुपैयाँ भन्दा बढीको क्षति भएको र क्षतिग्रस्त संरचनाको तत्काल सामान्य मर्मत गरेर प्रदेशसभा बैठक आव्हान गर्ने सहमति भएको सचिवालयले जनाएको छ । बैठकमा मधेश प्रदेशका मुख्यमन्त्री सतिशकुमार सिंहलगायत विभिन्न राजनीतिक दलका नेताहरू सहभागी थिए ।
Discussion about this post