काठमाडौँ । सरकारले चालु आर्थिक वर्ष २०८३/८४ मा न्यूनतम समर्थन मूल्यमा १५ हजार मेट्रिक टन धान खरिद गर्ने भएको छ । यसका लागि सरकारले ६७ करोड ५० लाख रुपैयाँ विनियोजन गरेको छ ।
कृषि, वन तथा पर्यावरण मन्त्रालयका अनुसार न्यूनतम समर्थन मूल्यमा धान खरिद गर्न उद्योग, वाणिज्य तथा आपूर्ति मन्त्रालयसँग समन्वय भइरहेको छ । कृषि मन्त्री गीता चौधरीको निजी सचिवालयले धान खरिद प्रक्रिया प्रारम्भ भइसकेको जनाएको छ ।
आर्थिक वर्ष २०८३/८४ का लागि वर्षे धानको न्यूनतम समर्थन मूल्य प्रतिक्विन्टल ३ हजार ६६० रुपैयाँ र मोटा तथा मध्यम धानको प्रतिक्विन्टल ३ हजार ८६० रुपैयाँ निर्धारण गरिएको छ ।
सरकारले न्यूनतम समर्थन मूल्यमा धान खरिद गर्दा किसानले आफ्नो उत्पादनको उचित मूल्य पाउने र बजारमा मूल्यसम्बन्धी अनिश्चितता कम हुने अपेक्षा गरेको छ ।
Discussion about this post