काठमाडौं । प्रधानमन्त्री वालेन्द्र शाह र संयुक्त राष्ट्रसंघका महासचिव एन्टोनियो गुटेरेसबीच न्यूयोर्कमा भेटवार्ता भएको छ।
संयुक्त राष्ट्रसंघको ८१औँ महासभाको उच्चस्तरीय सप्ताहमा सहभागी हुन पुगेका प्रधानमन्त्री शाहले महासभालाई सम्बोधन गर्नुअघि महासचिव गुटेरेससँग भेटवार्ता गर्नुभएको हो।
भेटमा गुटेरेसले भोटेकोशी विपद्बाट भएको जनधनको क्षतिप्रति दुःख व्यक्त गर्दै जलवायु परिवर्तनका विषयमा राष्ट्रसंघ नेपालसँग ऐक्यबद्ध रहेको बताउनुभयो।
प्रधानमन्त्री शाहले भोटेकोशी विपद्बाट भएको क्षति, हिमताल फुट्ने जोखिम तथा नदी किनारका बासिन्दाको पुनर्वास र हरित पुनर्निर्माणबारे जानकारी गराउनुभयो।
भेटमा अतिकम विकसित राष्ट्र (एलडीसी)को सूचीबाट नेपालको स्तरोन्नतिको समयसीमा थप गर्न आवश्यक अन्तर्राष्ट्रिय समर्थनका विषयमा समेत छलफल भएको प्रधानमन्त्रीको सचिवालयले जनाएको छ।
Discussion about this post