राष्ट्रिय विपद् जोखिम न्यूनीकरण तथा व्यवस्थापन प्राधिकरणले मनसुनका कारण बाढी, पहिरो, डुबान, चट्याङ र सर्पदंशको जोखिम उच्च रहेकाले विशेष सतर्कता अपनाउन सर्वसाधारणलाई आग्रह गरेको छ।
प्राधिकरणले यात्रा अघि मौसम र सडकको अवस्था बुझ्न, रातिको यात्रा सकेसम्म नगर्न, बाढी आएको खोला–नदी नतर्न तथा जोखिमयुक्त क्षेत्रमा नजान अनुरोध गरेको छ। साथै, विपद्का बेला आधिकारिक सूचनामात्र विश्वास गर्न र आवश्यक परे १२३४, १००, १११४ तथा मौसम जानकारीका लागि ११५५ नम्बरमा सम्पर्क गर्न आग्रह गरेको छ।
यसैबीच, पछिल्लो २४ घण्टामा देशभर ४७ वटा विपद्का घटना हुँदा ३ जनाको मृत्यु, ८ जना घाइते र करिब १३ लाख १० हजार रुपैयाँ बराबरको क्षति भएको प्राधिकरणले जनाएको छ।
Discussion about this post