यसवर्ष धान रोपाइँको गति अघिल्लो वर्षको तुलनामा सुस्त देखिएको छ। कृषि विभागका अनुसार असार २६ गतेसम्म देशभर ४५ दशमलव ८१ प्रतिशत मात्रै धान रोपाइँ सम्पन्न भएको छ।
गत वर्ष यही अवधिमा ५९ दशमलव २८ प्रतिशत रोपाइँ भइसकेको थियो। यसवर्ष अघिल्लो वर्षको तुलनामा करिब १३ प्रतिशत कम रोपाइँ भएको विभागको तथ्यांकले देखाएको छ।
नेपालमा १३ लाख ७० हजार ६२ हेक्टर क्षेत्रफलमा धान खेती हुने गरेकोमा हालसम्म ६ लाख २७ हजार ५६६ हेक्टरमा मात्रै रोपाइँ सकिएको छ।
प्रदेशगत रूपमा गण्डकी प्रदेशमा सबैभन्दा बढी ६५ दशमलव ९ प्रतिशत रोपाइँ भएको छ भने कोशी प्रदेशमा सबैभन्दा कम ३१ दशमलव ५ प्रतिशत मात्र सम्पन्न भएको कृषि विभागले जनाएको छ।
Discussion about this post