कञ्चनपुर । सरकारले सवारी चालक अनुमतिपत्र (लाइसेन्स) छपाइमा देखिएको ढिलासुस्ती अन्त्य गर्न नयाँ तथा प्रभावकारी व्यवस्था लागू गरेको जनाएको छ ।
सञ्चार तथा सूचना प्रविधि मन्त्रालयका अनुसार अबदेखि नयाँ लाइसेन्सका लागि प्रक्रिया पूरा भएको २४ घण्टाभित्रै कार्ड छापिने भएको छ ।
यातायात व्यवस्था विभागबाट डाटा प्राप्त हुनासाथ सुरक्षण मुद्रण केन्द्रले २४ घण्टाभित्र कार्ड छपाइ गरी विभागलाई उपलब्ध गराउनेछ । यो व्यवस्थापछि अब नयाँ आवेदकहरूले लाइसेन्स कार्डका लागि लामो समय कुर्न नपर्ने मन्त्रालयले जनाएको छ ।
साथै लामो समयदेखि छाप्न बाँकी रहेका करिब २९ लाख पुराना लाइसेन्सहरू पनि आउँदो असार मसान्तसम्म छापिसक्ने लक्ष्य राखिएको छ ।
Discussion about this post