तीन दिनदेखि सम्पर्कविहीन १२ वर्षीय राजेश बोहरा; खोजी गरिदिन परिवारको अपिल

कञ्चनपुर । डडेल्धुराको परशुराम नगरपालिका वडा नम्बर-७ मलासस्थित मामाघरमा बस्दै आएका १२ वर्षीय राजेश बोहरा तीन दिनदेखि सम्पर्कविहीन भएका छन्।

मूल घर कञ्चनपुरको वेदकोट नगरपालिका वडा नम्बर-२ जडेपानी भएका राजेश परशुराम नगरपालिका-७ स्थित सिद्धान्त माध्यमिक विद्यालयमा कक्षा ५ मा अध्ययनरत थिए। उनी मलासको खोरियास्थित मामाघरमा बसेर पढ्दै आएका थिए।

पारिवारिक स्रोतका अनुसार राजेश गत चैत १५ गतेदेखि कसैको सम्पर्कमा छैनन्। बालक हराएपछि चिन्तित बनेका आफन्त र परिवारले उनको खोजीका लागि सबैमा अपिल गरेका छन्।

यदि कसैले यी बालकलाई देख्नुभएमा वा फेला पार्नुभएमा नजिकैको प्रहरी चौकी वा पारिवारिक सम्पर्क नम्बर 9868772598 वा 9868869551 मा जानकारी गराई सहयोग गरिदिनुहुन अनुरोध गरिएको छ।

तीन दिनदेखि सम्पर्कविहीन १२ वर्षीय राजेश बोहरा