कञ्चनपुर – कञ्चनपुरको वेदकोट नगरपालिका वडा नम्बर -०१ हात्तीथलामा सातौँ आदर्श क्रिकेट कप सुरु भएको छ। आदर्श युवा क्लबको आयोजनामा प्रतियोगिताको मङ्गलबार उद्घाटन गरिएको छ। प्रतियोगितामा वेदकोट नगरपालिका वडा नम्बर -४ र वडा नम्बर -२ ले विजयी सुरुवात गरेको छ।
आज भएको पहिलो उद्घाटन खेलमा वेदकोट -४ ले वेदकोट -१० लाई ९ रनले पराजित गरेको छ। वडा नम्बर -१० ले टस जितेर फिल्डिङ रोजेको थियो। टस हारेर ब्याटिङमा उत्रेको वडा नम्बर -४ ले १५ ओभरको खेलमा ८० रनको लक्ष्य प्रस्तुत गरेको थियो। वडा नम्बर -४ का लागि असीम चन्दले २० बलमा सर्वाधिक ३१ रन जोडे भने नरेश साउदले ११ र दिग्विजय चन्दले ९ रन जोडे।
वडा नम्बर -१० का करण चन्दले ३ विकेट लिए भने सुनिल र प्रशान्तले समान २/२ विकेट लिए। वडा नम्बर -१० का लागि आसिसले सर्वाधिक १०, सन्तोषले १२ र आशिषले ८ रन जोड्दा पनि टिम ७० रनमै समेटियो। वडा नम्बर -४ का राहुल र दिग्विजयले समान ४/४ विकेट लिए भने असिमले १ विकेट लिए। पहिलो खेलमा वडा नम्बर -४ का लागि असीम चन्द म्यान अफ द म्याच भएका छन्।
दोस्रो खेलमा वडा नम्बर -२ ले वडा नम्बर -७ लाई ६ विकेटले पराजित गरेको छ। पहिला टस जितेर ब्याटिङ रोजेको वडा नम्बर -७ ले १५ ओभरको खेलमा ८२ रनको लक्ष्य प्रस्तुत गरेको थियो। वडा नम्बर -७ का लागि तिलक बोहराले सर्वाधिक ३४ रन र सुरज बोहराले १० रन जोड्दा अन्य खेलाडीले दोहोरो अङ्क जोड्न सकेनन्। वडा नम्बर -२ का प्रकाश, गोपाल र छविले समान २/२ विकेट लिए भने दिपेन्द्रले १ विकेट लिए।
८२ रनको लक्ष्य पछ्याउँदै वडा नम्बर -२ ले ४ बल अगावै जित हासिल गर्यो। वडा नम्बर -२ का लागि दिपेन्द्रले अविजित सर्वाधिक २७ रन जोडे भने दिपकले १९ र सागरले १५ रन जोडे। वडा नम्बर -७ का लागि चेतन र तिलकले समान २/२ विकेट लिए। दोस्रो खेलमा वडा नम्बर -२ का दिपेन्द्र म्यान अफ द म्याच भएका छन्।
