कञ्चनपुर – कञ्चनपुरको दोधारा चाँदनी नगरपालिका ३ शान्ति टोलका एक युवाले एलइडी बल्बको उत्पादन सुरु गरेका छन् । बजारमा पाइने हरेक प्रकारका एलइडी बल्बहरू अब दोधारा चाँदनी नगरपालिकमा उत्पादन र बिक्री वितरण हुने भएका हुन् । शुक्रवार एक कार्यक्रमको आयोजना गर्दै नगर प्रमुख किशोर कुमार लिम्बुले उक्त कम्पनीको उद्घाटन गरेका छन् । दोधारा चाँदनी नगरपालिका ३ का स्थानीय इलेक्ट्रिक इलेक्ट्रोनिक ओभरसियर गजेन्द्र भट्टले एलइडी बल्बमा लाग्ने सबै पार्टपुर्जाहरू खरिद गरेर ल्याएर सबै बल्बहरू आफै निर्माण गरेर काम गरिरहेको बताएका छन्।
जीवी आइडियल ग्रुप नामक कम्पनीको स्थापना गरी ७ जनालाई स्वरोजगार समेत प्रदान गरेको उनले बताए । आफूले इलेक्ट्रिक इलेक्ट्रोनिक ओभरसियरको अध्ययन गरि सकेपछि आफैले केही गर्नुपर्छ भन्ने सोचका साथमा आफ्नै कम्पनी खोलेर स्थानीयलाई रोजगार दिँदै काम गरिरहेको उनले भने, अहिले आफ्नो उत्पादनलाई सुदूरपश्चिमका नौ वटा जिल्ला र काठमाण्डौसम्म पनि माग भइरहेको छ , साथै अब निकट भविष्यमा आफ्नो उत्पादनले पुरै नेपाल भरीमा सेवा दिने लक्ष्यको साथमा काम भइरहेको उनले बताए ।
यो ग्रुप निर्माण गरेको ३ वर्ष भएपनि आफ्नो उत्पादनको काम र बजारमा माग अनुसार विश्वसनियता पनि बढ्दै गएपछि अहिले आएर यसको विधि पूर्वक उद्घाटन गरिएको उनले बताए । बल्बलाई चाहिने सामग्रीहरू भारत र चिनबाट ल्याउने गरेको ग्रुपका म्यानेजिङ डाइरेक्टर बलदेव भट्टले बताए । आर्थिक संकट भएको अवस्थामा पनि बजारमा उत्पादन दिँदै जाँदा गुणस्तरमा राम्रो भएपछि अहिले सहज भएको उनले बताए ।
आफ्नो वडामा सुरुवातमा उत्पादन गरेका बल्बहरूको परिक्षण गरिएको भएपनि अहिले उत्पादनले राम्रो बजारीकरण गरिरहेको म्यानेजिङ डाइरेक्टर बलदेव भट्टले बताए । बजारमा पनि प्रतिष्पर्धा पनि बढी रहेको अवस्थामा आफूहरूले पनि दुई प्रकारको बल्बहरू बजारमा ल्याएको र जसले गर्दा सस्तो पनि र महँगो पनि बिक्री वितरण भइरहेको उनले बताए ।
यस्तो आफ्नो भनाई राख्दै नगर प्रमुख किशोर कुमार लिम्बुले आफू कामदार हुनु भन्दा अरुलाई काममा लगाएर व्यापार गर्नु नै उत्तम भएको बताए । स्थानीय स्तरमा खोलिएको यो जीवी आइडियल ग्रुपले स्थानीय स्तरमा आफ्नो उत्पादनलाई पनि खपत गरिरहेको छ भने स्थानीय युवाहरूलाई पनि रोजगारको सिर्जना गरेर काम दिइरहेको प्रति आफूलाई खुसी लागेको बताए ।
साथै अहिले यही ग्रुपले वडामा चाहिने सडक विजुलीको पनि व्यवस्था गर्नका लागी मैले वडा अध्यक्षहरूलाई यो ग्रुपलाई सहयोग गर्न आग्रह गर्ने बताए । साथै यो गौरवको विषय रहेको अवस्थामा आँउदो दिनमा पालिकाले पनि साथ र सहयोग गर्ने प्रतिवद्धता जाहेर गरे ।