डडेल्धुरा, आलिताल – डडेल्धुरा जिल्लाको आलिताल गाँउपालिका वडा नम्बर ३ मा पर्ने आलिताल पर्यटकीय तथा धार्मिक ताल हो । आलिताल जति पर्यटकीय रुपमा प्रसिद्ध छ त्यतिनै धार्मिक रुपमा पनि आफ्नो महत्व बोकेको छ ।
आलितालमा घुम्न आउने आन्तरिक एवम वाह्य पर्यटक दैनिक ५० जना भन्दा वढी आउने गरेको तालका पाले गगन सिंह पुनले बताए । अहिले दैनिक पर्यटक आउने क्रम बढेको छ । पहिला पहिला स्थानीय मात्र आउने गरेको र अहिले जिल्ला बाहिरका र भारती पर्यटक पनि आउने गरेको पाले पुनले बताए । आलिताल हेर्न आउने पर्यटकलाई बाँसुरीको धुन सुनाई मनोरञ्जन गराउदै आइरहेका पुनले बताए ।
यहाँ पर्यटकहरूको सुविधाको लागी तालको चारैतिर पक्की पदमार्ग र भ्युटावर समेत बनाएको छ ।
धार्मिक रुपमा पनि भक्तजन आउने क्रम पनि पहिलेको भन्दा बढेको छ यहाँ भगवती, समैजी, ब्राहदेवताको सङ्गत ठाँउ भएकाले धार्मिक रुपमा पनि त्यतिनै महत्व बोकेको छ । भक्तरूले साँचो मनले सोच्यो भने मनोकामना समेत पुरा हुने विश्वास रहेको छ ।
आलितालको जति प्रचार प्रसार हुनुपर्ने त्यति प्रचार प्रसार नभएको गाँउपालिकले अझै प्रचार प्रसारमा जोड दिनु पर्ने आन्तरिक पर्यटक अम्बर थापा मगरले बताए ।
बैतडीको पाटन वाट आएका पर्यटक सन्देश भट्टले यो तालको छेउमा एउटा आलिताल लेखेको बोड समेत नराखिएकोमा दु:ख प्रकट गर्नु भयो हामी आलिताल पुग्यौ भन्ने कुरा फोटो वाट साथीभाइ सन्देश सजिलै फोटो वाट देखाउन सकिन्थ्यो । आलितालको सहि प्रचार प्रसार भयो भने यो तालबाट गाउँपालिकाको राम्रो आम्दानी समेत हुन सक्ने अर्का दार्चुला वाट आएका पर्यटक वीर बहादुर धामीले बताए ।
आलितालमा डुंगा मा आलिताल घुम्ने रहरे आएका कञ्चनपुरका लोकराज बोहरा जव आलिताल पुगे तर त्यँहा डुंगा बिग्रीएको देखेर दिक्क लागेको उनले बताए । बाटो पनि वेदकोट बुडर राजमार्ग देखी आलिताल जाने बाटो धुलाम्य रहेकोले बाटो फराकिलो र कालोपत्रे हुनु पर्ने उनले बताए । अव स्थानीय सरकारले यथा सिघ्र डुंगा बनाई सञ्चालनमा ल्याउनु पर्ने र पर्यटकहरूको लागी बाटोमा सुधार ल्याउनू पार्नेमा जोड दिनु भयो ।
स्थानीय सरकार भएपछि आलितालमा पहिलेको भन्दा बढीनै आन्तरिक र पर्यटक को संख्या बढ्दोक्रममा रहेको छ ।