यस वर्षको मनसुन नेपालको सम्पूर्ण भूभागबाट बाहिरिएको छ। मौसम पूर्वानुमान महाशाखाका अनुसार मनसुन सरदर मितिभन्दा १२ दिन ढिलो गरी बाहिरिएको हो।
महाशाखाका अनुसार सुदूरपश्चिम, कर्णाली र लुम्बिनी प्रदेशका पश्चिमी भूभागका अधिकांश स्थान तथा गण्डकी प्रदेशका पश्चिमी भूभागका केही स्थानबाट असोज १७ गतेदेखि मनसुन बाहिरिन सुरु भएको थियो।
नेपालबाट मनसुन बाहिरिने सरदर मिति असोज १६ गते भए पनि यस वर्ष असोज २८ गते मात्र सम्पूर्ण भूभागबाट बाहिरिएको महाशाखाले जनाएको छ।
मनसुन बाहिरिए पनि स्थानीय वायु तथा पश्चिमी वायुको प्रभाव कायम रहन सक्ने भएकाले मौसममा परिवर्तन आउन सक्ने महाशाखाले जनाएको छ।
Discussion about this post