काठमाडौं – पाकिस्तानको ब्रोड पिक हिमालमा गएको हिमपहिरोमा परी ज्यान गुमाएका विश्वप्रसिद्ध नेपाली पर्वतारोही निर्मल पुर्जासहित चार पर्वतारोहीको शव सफलतापूर्वक आधार शिविरमा ल्याइएको छ। पाकिस्तानको अल्पाइन क्लब ९एसीपी०का अनुसार अत्यन्त चुनौतीपूर्ण उद्धार अभियानपछि निर्मल पुर्जा, निमा शेर्पा, किलु शेर्पा र चिनियाँ पर्वतारोही झोङ वाङको शव आधार शिविरमा सुरक्षित रूपमा ल्याइएको हो।
गत जुलाई ३० मा ब्रोड पिकमा हिमपहिरो जाँदा ४३ वर्षीय पुर्जाको नेतृत्वमा रहेको १० सदस्यीय अन्तर्राष्ट्रिय आरोहण टोलीसँग सम्पर्क विच्छेद भएको थियो। पछि उहाँको कम्पनीले टोलीका कोही पनि जीवित नरहेको पुष्टि गरेको थियो। यसअघि टोलीका अन्य तीन सदस्य(एक अमेरिकी महिला, एक ओमानी महिला र एक नेपाली पर्वतारोहीको शव पहाडबाट उद्धार गरी उत्तरी पाकिस्तानको स्कार्दु पुर्याइएको थियो।
अल्पाइन क्लबका अनुसार दुई नेपाली र एक पाकिस्तानी पर्वतारोही अझै बेपत्ता छन्। मौसम र परिस्थितिले साथ दिएसम्म उनीहरूको खोजी तथा उद्धार कार्य जारी रहने क्लबले जनाएको छ। उत्तरी पाकिस्तानको काराकोरम पर्वतमालामा अवस्थित ब्रोड पिक ९८,०५१ मिटर० विश्वको १२औँ अग्लो हिमाल हो। यो हिमाललाई आठ हजार मिटरभन्दा अग्ला हिमालमध्ये सबैभन्दा कठिन र प्राविधिक आरोहणमध्ये एक मानिन्छ।
Discussion about this post