देशभर ५५ प्रतिशत धान रोपाइँ सम्पन्न, किसान भन्छन्– मल अझै अपुग

देशभर हालसम्म झण्डै ५५ प्रतिशत धान रोपाइँ सम्पन्न भएको कृषि विभागले जनाएको छ। पर्याप्त वर्षा नहुँदा गत वर्षको तुलनामा रोपाइँ केही सुस्त भएको हो।

सुदूरपश्चिममा सबैभन्दा धेरै ८७ प्रतिशत र मधेशमा सबैभन्दा कम ३३ प्रतिशत रोपाइँ भएको छ। वर्षा बढेसँगै रोपाइँले गति लिने अपेक्षा गरिएको छ भने किसानले समयमै रासायनिक मल नपाएको गुनासो गरेका छन्।