आजदेखि तीन दिन देशभर वर्षा, केही ठाउँमा भारी पानीको सम्भावना

मौसम पूर्वानुमान महाशाखाले आज, भोलि र पर्सि देशभर वर्षा हुने जनाएको छ। केही स्थानमा मुसलधारेदेखि आरीघोप्टे वर्षाको सम्भावना रहेकाले सतर्कता अपनाउन आग्रह गरिएको छ। विशेषगरी कोशी, बागमती, गण्डकी, लुम्बिनी, मधेश र सुदूरपश्चिमका केही क्षेत्रमा मेघगर्जन, चट्याङसहित भारी वर्षा हुन सक्ने महाशाखाले जनाएको छ।