काठमाडौं । नेपाल आयल निगमले पेट्रोलियम पदार्थको मूल्य वृद्धि गरेको छ। निगमले आज राति १२ बजेदेखि लागू हुने गरी पेट्रोलमा प्रतिलिटर १५ रुपैयाँ र डिजेल मट्टितेलमा पनि प्रतिलिटर १५ रुपैयाँले मूल्य बढाएको हो।
नयाँ मूल्यअनुसार काठमाडौँ उपत्यकामा पेट्रोलको मूल्य प्रतिलिटर १८७ रुपैयाँ र डिजेल मट्टितेलको मूल्य १६७ रुपैयाँ कायम भएको छ।
निगमका अनुसार पछिल्लो एक महिनादेखि मध्यपूर्वमा जारी द्वन्द्वका कारण अन्तर्राष्ट्रिय बजारमा पेट्रोलियम पदार्थको मूल्य निरन्तर बढिरहेको छ। सोही कारण इण्डियन आयल कर्पोरेशन बाट प्राप्त मूल्यअनुसार स्वचालित मूल्य प्रणाली लागू गर्न कठिनाइ भएको जनाएको छ।
निगमले मार्च १६ देखि ३१ सम्मको १५ दिनमै करिब ५ अर्ब रुपैयाँ घाटा हुने प्रक्षेपण गरेको छ भने हालको मूल्य वृद्धिको प्रवृत्ति कायम रहे आगामी १५ दिनमा थप १५ अर्ब रुपैयाँ घाटा हुने देखिएको छ।
निगमका अनुसार मार्च १ देखि मार्च २४, २०२६ सम्म पेट्रोलको खरिद मूल्य प्रतिलिटर ७६ रुपैयाँ र डिजेलको १४३ रुपैयाँले वृद्धि भएको छ। यसअघि मार्च १६ मा पेट्रोलमा १५ रुपैयाँ र डिजेलमा १० रुपैयाँ मात्रै समायोजन गरिएको थियो।
अन्तर्राष्ट्रिय बजारअनुसार मूल्य समायोजन गर्न नसक्दा घाटा बढ्दै गएको र समयमै भुक्तानी गर्न नसकेमा आपूर्ति व्यवस्थापनमा समस्या आउन सक्ने निगमले जनाएको छ।
Discussion about this post