कञ्चनपुर । कञ्चनपुर जिल्लाको दक्षिणी क्षेत्र बेलडाँडीका समाजसेवी युवा गैर आवासीय नेपाली सङ्घ राष्ट्रिय समन्वय समिति साउदी अरबको युवा संयोजकको जिम्मेवारी पदम बहादुर महताले पाएका छन्।
शुक्रवार एक कार्यक्रमका साथ साउदी अरबको राजधानी रियादमा सम्पन्न गैर आवासीय नेपाली सङ्घ राष्ट्रिय समन्वय समिति साउदी अरबको १०औ अधिवेशन बाट २०२५-२०२७ को लागि युवा संयोजकको जिम्मेवारी महताले पाउनुका साथै प्रमाणपत्र समेत बुझेका छन् ।
ग्रामीण क्षेत्र बेलडाँडी गाउँपालिकाको एक सामान्य घरपरिवारमा जन्मिएका उनी वैदेशिक रोजगारीको सिलसिलामा सन २०१२ मा कर्म थलो साउदी अरब बनाएका महता पहिलो कार्यकाल सदस्य हुँदै अहिले दोस्रो कार्यकालमा युवा संयोजकको जिम्मेवारी पाएका छन्। समाजसेवामा समर्पित रहेका उनी पछिल्लो समयमा वैदेशिक रोजगारीको सिलसिलामा साउदी अरब आएर आपतबिपतमा परेका नेपालीहरूको समेत सहारा बन्न पुगेका छन्।
उनी दमाम भेट्रान क्लब साउदी अरबको समेत अध्यक्ष हुन। खेलकुद क्षेत्रमा निकै रुचि राख्ने उनी पछिल्लो समयमा समाजसेवा देखि लिएर युवा नेतृत्वको जिम्मेवारी समेत पाएका छन्। नेपाली पनको एक हिस्सा बन्नको लागि जन्मभूमि नेपाल हुँदै अहिले कर्मथलो साउदी अरबमा उनी नेपाली समाजमा निकै चिरपरिचित र लोकप्रिय बन्न पुगेका छन्।
Discussion about this post