कञ्चनपुर – भारतमा हुन् गइरहेको मेची महाकाली समाजको छैठौं वार्षिकोत्सव तथा सांस्कृतिक कार्यक्रममा चर्चित देउडा गायक जे आर भट्ट र समाजसेवी भोज राज जोशी (क्वालिटी) जाने भएका छन्।
मेची महाकाली प्रवासि समाज ट्रस्टले विविध सांस्कृतिक कार्यक्रमको आयोजना गर्दै अगस्ट १५ तारिकमा वार्षिकोत्सव मनाउन गइरहेको छ। उक्त कार्यक्रममा स्थानीय एवम् राष्ट्रिय कलाकारहरूको प्रस्तुति रहने आयोजकले जनाएको छ।
सोही कार्यक्रमको लागि सुदूरपश्चिमका चर्चित देउडा गायक जे आर भट्ट र समाजसेवी भोज राज जोशी (क्वालिटी) बेंगलोर जाने भएका हुन्। उक्त कार्यक्रममा प्रवेश निःशुल्क रहेको संस्थाका उपाध्यक्ष पुष्कर राज जोशिले जानकारी दिएका छन्।
