कञ्चनपुर । लोकप्रिय गायक चक्र बमको ‘हरी भजन’ बोलको देउडा गीत भिडियो सहित सार्वजनिक भएको छ । गीतमा गायक बमकै शब्द तथा लय रहेको छ भने गायक बमलाई शान्ति शाही चन्दले साथ दिएकी छन् ।
गायक बमले उक्त गीत भजन कीर्तन सँगै देउडा भाकाको शैलीमा बजारमा ल्याएका छन् । उनले सुदूरपश्चिमका धार्मिक चाडपर्व तथा मेलामा खेलिने देउडाको लयमा सो गीत बजार ल्याएका छन् ।
गीतको भिडियोमा चक्र बम, जोन बम, हेमा सापकोटा, प्रमिला जोशी, दिनेश बोहरा र सलिना थारु, क्रिस्टल बम, गरिमा चन्द लगायतको अभिनय रहेको छ । म्युजिक भिडियोको निर्देशन बिक्रम चौहानले गरेका छन् भने प्रकाश खड्काको छायाङ्कन र मिलन विश्वकर्माको सम्पादन रहेको छ ।
