कञ्चनपुर : कञ्चनपुरका साहित्यकार तथा महाकाली बहुमुखी क्याम्पस बेलाैरीका सहायक क्याम्पस प्रमुख गंगा प्रसाद रिजाल सम्मानित भएका छन्।
बिहीबार १५८ औं मोती जयन्तीको अवसरमा मानसखण्ड फाउन्डेसनको आयोजनामा तथा गुगुल्डी वाङ्मय प्रतिष्ठानको सहकार्यमा र रेडियो शुक्लाफाँटाको विशेष सहयोगमा सम्पन्न गजल/मुक्तक वाचन कार्यक्रमका विच साहित्यकार रिजाललाई सम्मान पत्र प्रदान गरिएको हो।
विगत लामो समयदेखि नेपाली तथा डोटेली भाषा साहित्य एवम कला संस्कृतिको क्षेत्रमा विशेष योगदान पुर्याएको र विषेशगरी गजल साहित्यको श्रीवृद्धिमा विशेष योगदान पुर्याएको भन्दै साहित्यकार रिजाललाई सम्मानित गरिएको जनाइएको छ।
सम्मानित हुने साहित्यकार रिजालले आफूलाई अमूल्य सम्मान गरेकोमा मनसखण्ड फाउन्डेसन र गुगुल्डी वाङ्मय प्रतिष्ठान प्रति आभार प्रकट गर्दै यसले थप हौसला प्रदान गरेको बताउनुभयो।
उक्त कार्यक्रममा फाउन्डेसनका उपाध्यक्ष राकेश चन्दकाे सभापतित्व तथा वरिष्ठ साहित्यकार पञ्चमराज भट्टकाे प्रमुख आतिथ्यता रहेको थियाे । सहभागीहरुलाई संस्थाका सचिव हेमबाबु लेखकले स्वागत गरेकाे कार्यक्रमलाई साहित्यकार कविराज भट्टले सञ्चालन गरेका थिए । समाराेहमा पूर्व मन्त्री तथा साहित्यकार प्रेम सिंह धामी, माेतीराम भट्ट र संविधानसभा अध्यक्ष सुबासचन्द्र नेम्वाङ प्रति हार्दिक श्रद्धासुमन अर्पण गरि एक मिनेट माैन धारण गरिएको थियाे । तिनवटै महान् व्यक्तिहरुकाे बारेमा गुगुल्डि वाङमय प्रतिष्ठानका सचिव जगदीश ओझाले प्रकाश पार्नु भएको थियाे ।
