आठ दलीय गठबन्धन पाँच वर्षसम्म जान्छ : प्रधानमन्त्री

प्रधानमन्त्री पुष्पकमल दाहाल ’प्रचण्ड’ले आठ दलीय गठबन्धन पाँच वर्षसम्म नै जाने बताएका छन् । प्रतिनिधिसभा र राष्ट्रियसभा सदस्यहरूको उपस्थितिमा अभिमुखीकरण कार्यक्रमपछि पत्रकारसँग कुरा गर्दै प्रधानमन्त्री प्रचण्डले गठबन्धन लामो समयसम्म जाने बताएका हुन् ।

प्रचण्डले भने,‘गठबन्धन पाँच वर्षसम्म नै जान्छ । मन्त्रिमण्डल विस्तार गर्ने कार्य आजैदेखि सुरु भइसक्यो ।’

प्रचण्डले आठ दलीय गठबन्धन अझै बढ्ने बताए । उनले यो गठबन्धनलाई ८ दलको भनेपनि राष्ट्रपति उम्मेदवार रामचन्द्र पौडेललाई अहिले नै १० दलको समर्थन रहेको दावी गरे। अन्नपूर्ण पोस्ट बाट सभार