बाजुरेली सेवा समाजले कैलालीको धनगढीस्थित खुलामञ्चमा आजदेखि तीन दिन सम्म भुवा पर्व मनाइदैँछ । बाजुरेली सेवा समाजको आयोजनामा यहि आजदेखि १० गते तीन दिन सम्म भव्य रूपमा भुवा पर्व मनाउन लागेको हो।
यो पर्व सुदूरपश्चिमका बाजुरा,अछाम, बझाङ लगायतका जिल्लामा भव्य रूपमा मनाइने गरिन्छ । बाजुरेली सेवा समाजले धनगढीको खुल्ला मञ्चमा आयोजना गर्न लागेको भुवा पर्वमा बिहानै मुढा जलाएर सुरुवात गरिनेछ । शुक्रबार सुदूरपश्चिम प्रदेशका प्रदेश प्रमुख देवराज जोशीले औपचारिक रुपमा उद्घाटन गर्ने कार्यक्रम रहेको बाजुरेली समाजका अध्यक्ष चेतबहादुर थापाले बताए ।
बाजुरा पुर्खौली घर भएकाहरूले धनगढीमा भुवा पर्वको आयोजना गर्न लागेको र त्यसलाई मध्यनजर गर्दै मौलिक पर्वलाई निरन्तरता दिने उद्देश्य रहेको बाजुरा सेवा समाजका अध्यक्ष थापाले बताए । त्रेतायुगमा पाण्डव र कौरवबीचको लडाइँ सकिएपछि पाण्डव पक्षले खुसियाली मनाएको दिनमा यो पर्व मनाउने गरिन्छ। गोदावरी न्युज बाट सभार