राष्ट्रपति विद्यादेवी भण्डारीले सङ्घीय संसद् प्रतिनिधिसभाका नवनिर्वाचित ज्येष्ठ सदस्य पशुपति शम्शेर जबरालाई आज पद तथा गोपनीयतको शपथ गराउने भएकी छन् ।
बुधबार दिउँसो १ बजे राष्ट्रपति भवन शीतल निवासमा जबरालाई शपथ ग्रहण गराइने छ ।
ज्येष्ठ सदस्य जबराले बुधबार राष्ट्रपतिबाट शपथ खाएपछि बिहीबार प्रतिनिधिसभा सदस्यहरुलाई शपथ ग्रहण गराउने छन् ।
नवनिर्वाचित प्रतिनिधिसभा सदस्यहरुले बिहीबार दिउँसो १ बजे संघीय संसद भवनमा शपथ ग्रहण गर्ने कार्यक्रम छ ।
नागरिकता प्रमाणपत्र अनुसार जबरा सबैभन्दा ज्येष्ठ सदस्य ठहरिएका हुन् । उनको जन्म मिति विसं १९९८ मंसिर २४ गते रहेको छ ।
प्रतिनिधिसभाको सभामुख र उपसभामुखको निर्वाचन नभएको वा दुवै पद रिक्त भएको अवस्थामा प्रतिनिधिसभाको बैठकको अध्यक्षता उपस्थित सदस्यमध्ये उमेरका हिसाबले ज्येष्ठ सदस्यले गर्ने संवैधानिक व्यवस्था छ । गोदावरी न्युज बाट सभार