शिक्षक सेवा आयोगले आज वैशाख २४ गते निम्न माध्यमिक तहको नतिजा प्रकाशित गरेको छ। आयोगले खुला तर्फको सामान्य विषयको नतिजा सार्वजनिक गरेको हो ।
लामो समय पछि खुलेको आयोगले गत चैत १७ गते निम्न माध्यमिक तहको परीक्षा सञ्चालन गरेको थियो। निम्न माध्यमिक तहको २ हजार ५९८ शिक्षक पदको लागि ८८ हजार ५१९ जना परीक्षार्थी परीक्षामा सामेल भएका थिए ।
उक्त परीक्षामा करिब २७ प्रतिशत मात्र परीक्षार्थी उत्तीर्ण भएको आयोग स्रोतले जानकारी दिएको छ । आयोगले यसअघि माध्यमिक तहको नतिजा सार्वजनिक गरिसकेको छ।
(खबर बोर्ड बाट सभार)