एमाले झन् बलियो भएको छ : केपी शर्मा ओली

नेकपा एमाले अध्यक्ष केपी शर्मा ओलीले एमाले झन् बलियो भएको बताएका छन्। एमाले फुटेको आरोप लागिरहँदा अध्यक्ष ओलीले एमाले झन् बलियो भएको बताएका हुन्।

‘एमाले झन् बलियो भएको छ। देशभरि एमालेको पक्षमा विशाल लहर आएको छ,’ खोटाङमा आयोजित कार्यकर्ता भेलालाई सम्बोधन गर्दै ओलीले भने।

उनले पाँच दलीय गठबन्धनले जालझेलबाट सरकार बनाएको आरोप लगाए। आगामी स्थानीय तहको निर्वाचनमा एमाले अत्यधिक मतका साथ विजयी हुने बताए। ओलीले देशको विकास गर्ने पार्टी एमाले मात्रै भएको बताए। अन्नपूर्ण पोस्ट बाट सभार