तिमी र म यो जिन्दगी, मिलेरै काटौँला
देशको दिलसँग प्रीति सुटुक्कै साटौँला
दायाँपट्टि देशको तस्बिर बायाँपट्टि तिम्रो
देउरालीमा सुख दु:ख बसेरै बाँडौला
देख्यौ प्यारी विदेशबाट लासै घर पुग्छ
छुन् देऊ ढिडो पिठो खाई स्वदेशमैँ बाँचौँला
रुखो तिखो प्रहारले नाजुक दिल मर्छ
त्यो भन्दा त पीठै फर्काइ पिरती गाँसौँला
फल नमिले के भयो र पाखुरी खियाउँला
आफ्नो बगैंचाको फुल सँगसँगै हाँसौला
रमेश पन्त “मीतबन्धु” कि झुल्के घाम गजल सङ्ग्रह बाट