सत्य बोल्नलाई मूल्य चुकाउनै पर्ने
इमानीले ठाडो शिर झुकाउनै पर्ने
चुनावमा छानी छानी भ्रष्ट ठगलाई चिठ्ठा
नचाहेरै पनि माथि पुगाउनै पर्ने
कति रुन्छौ रुँदा रुँदै बाढी पैरो गयो
मतारीका नयन बगाई सुकाउनै पर्ने
कस्तो चाला आयो बरै कस्तो रीतिथिति
न दुखेको टाउको पनि दुखाउनै पर्ने
कस्तो बढ्यो दण्डहीनता अत्याचार ह्वात्तै
सज्जनले हिँड्दा शिर लुकाउनै पर्ने
रमेश पन्त “मीतबन्धु” को झुल्के घाम गजल सङ्ग्रह बाट