डोटी – जिल्लामा मोटरसाइकलको ठक्करबाट ६५ बर्षीय बृद्धाको मृत्यु भएको छ ।
दिपायलबाट डडेल्धुरा तर्फ जादै गरेको लु ६५ प १५२० नम्बरको मोटरसाइकलले शिखर नगरपालिका–८ गोपघाटमा बुधबार दिउँसो बृद्धालाई ठक्कर दिदाँ मृत्यु भएको हो ।
मृत्यु हुनेमा शिखर नगरपालिका–७ सेटीगाउँकी ६५ वर्षीया कृष्णादेवी कार्की रहेको प्रहरीले जनाएको छ ।
मोटरसाइकलको ठक्करबाट गम्भिर घाइते भएकी उनलाई उपचारको लागि शैलेश्वरी अस्पताल दिपायल लगिएकामा त्यहाँ उपचार सम्भव नहुदाँ थप उपचारका लागि धनगढी लैजाने क्रममा मृत्यु भएको जिल्ला प्रहरी कार्यालय डोटीले जनाएको छ ।
ठक्कर दिने मोटरसाइकल र चालक दिपायल सिलगढी नगरपालिका–२ पुन्यपाटाका २५ बर्षीय धुव्र कडायतलाई प्रहरीले नियन्त्रणमा लिएको छ । गोदावरी न्युज बाट सभार