सुदूरपश्चिम खबर
sudurpashimkhabar.com
Bedkot Samudayik Ban

आमाले गाउने गीत बच्चाहरुका लागि फाइदाजनक

110
Sana Kishan

बच्चालाई काखमा लिएर उनीहरुलाई सुताउनका लागि आमाले सानो स्वरमा बच्चाकै लागि मायाले भरिएको गीत (लोरी) गुन्गुनाउँछिन् । त्यस्ता गीतहरु बच्चालाई उनीहरुका आमाहरुले मात्र होइन, उनीहरुका हजुर आमा, फुपुहरुले सुनाउँछन् । तीनै गीतहरुलाई एउटी छोरीले आफू आमा बनेपछि पुनः आफ्ना सन्तानहरुलाई सुनाउँछिन् ।

भनिन्छ, साना बच्चाहरुलाई राम्रो निन्द्राका लागि प्राचिन कालदेखि नै आमाहरुले त्यसरी गीत सुनाउँदै आएका छन् । त्यसो गर्नुको पछाडि केवल बच्चा सुताउने मात्र नभएर बच्चालाई लोरी सुनाउनुका अन्य विभिन्न कारणहरु तथा फाइदाहरु पनि छन् । लोरी गाउनुको कारण र फाइदाहरु यस प्रकार छन् ।

Arus

आमा र बच्चाबीच प्रगाढ सम्बन्ध

Nepali Khaja

आमाको लोरीको आवाज कानमा पर्नासाथ बच्चा कुन बेलामा निदाउँछ भन्ने कुरा थाहा नै हुँदैन । आमाको लोरी सुन्दै सपनाको संसारमा हराउनुको सुखद अनुभव ठुलो भएपछि पनि तपाईंको सम्झनामा बसिरहेको हुन्छ । लोरीले आमा र बच्चाको सम्बन्धलाई अझ बढि बलियो बनाउने काम गर्छ र दुवैलाई झन् नजिक ल्याउँछ ।

आमाको लोरीको आवाजमा एक प्रकारको अनौठो कुरा हुन्छ, जसले बच्चामा जादु जस्तै काम गर्छ । विशेषज्ञहरु पनि भन्छन्–ुलोरीको रुपमा जुन आवाज बच्चाहरुले सुन्छन्, विस्तारै–विस्तारै उसले आफु लोरीसंग जोडिएको महसुस गर्न थाल्छ ।

बच्चाको दिमागी विकास

आमाको लोरीले बच्चालाई एक प्रकारको सुखद अनुभुति प्रँप्त हुन्छ । लोरी सुन्नाले बच्चाको मस्तिष्कको पनि विकास हुन्छ । वास्तवमा आमाको लोरीले बच्चाको दिमागका विभिन्न भागहरुलाई एकै पटक उत्तेजित गरिदिन्छ, जसले बच्चाको दिमागी विकास हुन्छ । यसलाई मेडिकल भाषामा म्यूजिकल लर्निङ पनि भनिन्छ । लोरी सुनेर बच्चाले अलग–अलग आवाजबीचको फरक छुट्याउन पनि सिक्छ ।

लोरीले बच्चाको डर हराउँछ

विशेषज्ञहरुका अनुसार आमाबाट लोरी सुनेर बच्चा भित्रको डर र कुनै पनि किसिमको खतराप्रतिको रक्षा र प्रतिरोधको भावना विकसित हुन्छ । यसले बच्चाको बौद्धिक र भावनात्मक विकास पनि हुन्छ । लोरी सुन्दा आमासंगै भएको महसुस पनि हुन्छ र त्यहि महसुसले उनीहरुलाई निडर पनि बनाउँछ । बच्चाहरुले विस्तारै– विस्तारै खतराहरुको सामना गर्न सिक्छन् । त्यस प्रकारको लोरीले बच्चालाई स्वयंमा भरोसा गर्न पनि सिकाउँछ ।

Karnali Traders

लोरीले बच्चालाई राम्रो निन्द्रा

आमाहरुले लोरी गाउँछन् किनभने उनीहरु आफ्ना बच्चाहरु राम्रोसंग सुतून् भन्ने चाहन्छन् । यदि बच्चाहरु राम्रोसंग सुत्न सकेनन् भने उनीहरुलाई चिडचिडा र थकानको महसुस हुन थाल्छ । त्यस्तो स्थितिमा लोरीले बच्चामाथि जादु जस्तै असर गर्छ । फलस्वरुप उनीहरु गहिरो निद्रामा पुग्छन् ।

बच्चाको भाषा पनि राम्रो

लोरी सुन्ने बच्चाहरुको भाषा सिक्ने क्षमता पनि बढ्छ । वास्तवमा आमाले जब हरेक दिन आफ्ना बच्चालाई एउटै लोरी गाएर सुनाउँछिन्, तब लोरीमा प्रयोग भएका शब्दहरु बच्चाहरुलाई विस्तारै–विस्तारै याद हुन थाल्छ र पछि बच्चाले तिनै शब्दहरुको सही प्रयोग गर्न सिक्छन् । वास्तवमा लोरी कुनै छोटो कविता जस्तो हुन्छ, जसको प्रयोगले बच्चालाई भाषा सिक्न पनि सहयोग गर्छ ।

आमाको लागि पनि फाइदाजनक

अमेरिकास्थित मियामीको फस्ट स्कूल अफ म्यूजिकका अनुसन्धानकर्ताहरुद्वारा गरिएको एउटा अध्ययनका अनुसार बच्चालाई लोरी सुनाउनाले केवल उनीहरुको स्वास्थ मात्र होइन आमाहरुको स्वास्थ्य पनि राम्रो हुन्छ । बच्चा जन्मेपछि नयाँ आमामा जुन प्रकारको तनाव, डिप्रेशन र नकारात्मक कुराहरुको सामना गरिरहनु परेको हुन्छ, लोरीको माध्यमबाट ती कुराहरुबाट ध्यान हटाउन सहयोग पुग्छ । त्यस्तै आमाको लोरी सुनेर जब बच्चा मुस्कुराउँछ, तब आमाको मन भित्र सकारात्मक शक्तिको सञ्चार हुन्छ ।

वृद्धाहरुका लागि पनि फाइदाजनक

म्यूजिक अथवा लोरी जसरी सानो बच्चाहरुका लागि फाइदाजनक हुन्छ, त्यसरी नै वृद्धाहरुका लागि पनि फाइदाजनक हुन्छ । यो कुराको विभिन्न सर्वेक्षणहरु भएका छन् । तर वृद्धाहरुलाई कस्तो प्रकारको म्यूजिक फाइदाजनक हुनसक्छ भन्ने कुरामा केन्द्रित भएर अहिले वैज्ञानिकहरुले सर्वेक्षण शुरु गरेका छन् । वास्तवमा ठुलो संख्याका वृद्धाहरुलाई कम निन्द्रा लाग्ने समस्या हुन्छ । त्यस्तो अवस्थामा चेन्नाईमा भएको एउटा अध्ययन अनुसार लोरी अथवा त्यस्तै प्रकारको कुनै आनन्द र शान्ति प्रदान गर्ने संगीत सुन्नाले स्ट्रेस हार्मोनहरु कम हुन्छन्, जसका कारण निन्द्रा राम्रोसंग लाग्छ । अनलाइनखबर बाट सभार

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.

5  +  2  =