सुदूरपश्चिम खबर
sudurpashimkhabar.com
Bedkot Samudayik Ban

अदालतमा विचाराधीन मुद्दा प्रतिकूल हुने गरी संसदमा छलफल गर्न मिल्दैन : सभामुख

138
Sana Kishan

प्रतिनिधि सभाका सभामुख अग्निप्रसाद सापकोटाले संसद् बैठक सुरु गराउन प्रमुख प्रतिपक्ष दल नेकपा एमालेलाई पुनः आग्रह गर्नुभएको छ ।

आज सोमवार पनि प्रतिनिधि सभाको बैठकमा अवरोध गर्दै बेलमा नारा लगाउन पुगेका एमालेका सांसदहरूलाई सभामुख सापकोटाले आफूविरुद्ध लगाइएको मुद्दा अदालतमा विचाराधीन रहेको उल्लेख गर्दै ती मुद्दामा प्रतिकूल हुने गरी सङ्घीय संसदमा छलफल गर्न नमिल्ने कुरा पनि स्मरण गराउनुभयो । उहाँले अति आवश्यक विधेयकहरू पारित गरेर जानुपर्ने भएकाले पनि संसद् बैठकमा अवरोध गरिरहन नमिल्नेतर्फ पनि एमालेका सांसदहरूको ध्यानाकर्षण गराउनुभयो ।

Arus

सभामुख सापकोटाले भन्नुभयो, ‘नेपालको संविधानको धारा १०५ ले अदालतमा विचाराधीन मुद्दामा न्याय निरूपणमा प्रतिकूल असर पर्ने विषयमाथि सङ्घीय संसद्को कुनै पनि सदनमा छलफल गर्न बन्देज गरेको कुरा पुनः स्मरण गराउन चाहन्छु । प्रतिनिधि सभा नियमावली २०७५ को नियम २१ को खण्ड ग, घ का प्रावधानहरू हामी सबैले पालना गर्नुपर्ने प्रावधानहरू हुन् । उल्लेखित प्रावधानहरू पालनाका लागि पुनः अनुरोध गर्दछु ।’

Nepali Khaja

एमालेका अध्यक्ष केपी शर्मा ओलीले आफ्नो दलले कारबाही गरेका माधव नेपालसहितका १४ सांसदलाई पदमुक्त नगरेर सभामुख सापकोटाले पदीय मर्यादा कायम गर्न नसकेको भन्दै सर्वोच्च अदालतमा मुद्दा दायर गर्नुभएको थियो । त्यही मुद्दा अदालतमा विचाराधीन रहेकाले न्याय निरूपणमा प्रतिकूल असर हुने गरी संसदमा ती विषयमा छलफल गर्न नमिल्ने सभामुख सापकोटाको तर्क थियो ।

Karnali Traders

सभामुख सापकोटाले बैठक सुरु गराउन गरेको आग्रहलाई एमालेका सांसदहरूले अस्वीकार गर्दै बेलमा नाराबाजी गरिरहे ।

यसैबीच सभामुख सापकोटाले राष्ट्रपति विद्या भण्डारीले प्रमाणीकरण गरेर संसदमा पठाउनुभएको विनियोजन विधेयक २०७८ पढेर सुनाउनुभयो ।

त्यसैगरी बैठकमा प्रतिनिधि सभाका सचिव गोपालनाथ योगीले राष्ट्रिय सभाबाट सन्देशसहित प्राप्त आर्थिक विधेयक २०७८ र राष्ट्र ऋण उठाउने विधेयक २०७८ बारे बैठकलाई जानकारी गराउनुभयो ।

प्रतिनिधि सभाको अर्को बैठक असोज १४ गते बिहीवार दिउँसो १ बजेका लागि बोलाइएको छ । उज्यालो अनलाइन बाट सभार

kfg mit mart
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.