सुदूरपश्चिम खबर
sudurpashimkhabar.com

अनुशासित जीवनका लागि सात टिप्स !!

48
Sana Kishan

बालबालिका हुर्काउनु, पढाउनु, बढाउनु अभिभावकको दायित्व हो । यस अनुरुप बुवाआमाले आफ्ना सन्तानका खातिर सबै बन्दोबस्ती मिलाउने प्रयास गरेकै हुन्छन् । राम्रो खानपान, सुकिला लुगाफाटो, खेलौना, मनोरञ्जनका साधन, पढाईको व्यवस्था, स्वास्थ्य उपचार आदि कुरामा ध्यान दिइरहेका हुन्छन् ।

यद्यपि आफुले हुर्काउँदै गरेको बालबालिका कति व्यवहारिक छन् ? कति अनुशासित छन् ? यसबारे खासै हेक्का राख्दैनन् । वा बालबालिकालाई व्यवहारिक र जीवनोपयोगी कुरा सिकाउने, अनुशासित जीवनशैलीमा अभ्यस्त बनाउने कुरामा आमाबुवा त्यती ध्यान दिइरहेका हुँदैनन् । जबकि बालबालिकाका निम्ति महत्वपूर्ण पक्ष हुन् यी । त्यसैले बालबच्चा हुर्काउने क्रममा उनीहरुलाई भौतिक सेवा सुविधाले भरिपूर्ण बनाएर मात्र पुग्दैन, उनीहरुलाई अनुशासित जीवनयापनका कला पनि सिकाउनु जरुरी छ ।

Arus

बालबालिका लागि नियम

धेरै जोडीहरूले विवाह गरेपछि बालबालिकालाई कस्तो अनुशासन सिकाउने भन्ने बारेमा छलफल गर्दैनन् । आमाबुबामध्ये एक धेरै नै कडा र अर्को नरम हुन्छन् । बालबालिकालाई अनुशासन सिकाउन आमाबुबाले बालबालिकाको बारेमा कुरा गर्दा एकले अर्कालाई सहयोग गर्न एउटा सम्झौतामा आउनुपर्छ । आमाबुबाहरू जो बालबालिकाको अनुशासनको विषयमा एकै ठाउँमा उभिँदैनन् उनीहरूका बालबालिकाहरूमा समस्या देखिनसक्छ ।

बालबालिकाको दैनिक तालिकामाथि छलफल

आमाबाबुहरू आफ्नो बालबालिकाको सुत्ने, खाना, होमवर्क कफ्र्यु लगायतका कुरामा एक सम्झौता गर्छन् । उनीहरूले आफ्नो बालबालिकाको लागि के गर्ने भन्ने सोचेका छन् त्यो प्रस्ट रूपमा र शान्तसँग वर्णन गर्नुपर्छ । नियम नमान्दा आउने परिणामहरूमा आमाबुबाले बालबालिकालाई सम्झाउनु पर्छ । आफ्नो बालबालिकालाई कोसँग उनीहरूले केही कुरामा छुट पाउँछन् भनेर आमाबुबाको बीचमा तुलना गर्ने मौका दिन हुँदैन ।

मीठो भाषाको प्रयोग

केही काम अह्राउनु पर्दा बालबालिकाले नमानेमा तीनसम्म गनेर त्यति समयभित्र गर्न भन्नु पनि एउटा राम्रो तरिका हो । बालबालिकाले तीनसम्म गन्ने कुरालाई परीक्षण गर्छन् त्यस्तो बेलामा तपाईले समयसीमा कटेमा पनि अडिग भएर थप काम दिनुभयो भने उनीहरूले मान्न थाल्छन् । यसले समस्या आउन दिँदैन र बालबालिकाले आमाबुबाले भनेको काम गर्नुपर्छ भन्ने कुरा बुझ्छन् ।

Karnali Traders

राम्रो काममा प्रेरणा

उदाहरणको लागि जब तपाईंको बालबालिकाले उसको खेलौनाहरू सफा गर्छ वा कुनै कामहरू तपाईंले नसम्झाईकन गर्छ । त्यस्तो बेलामा उनीहरूलाई स्यबासी दिन सक्नुहुन्छ । यसले उनीहरूमा आफ्नो काम आफंैले गर्न हौसला दिन्छ ।

कहिलेकाहीँ नियममा अपवाद हुन्छ

उनीहरू सुत्ने समय १० बजे हुन सक्छ तर जब तपाईको बालबालिकाको बेस्टफ्रेन्डको जन्मदिनको पार्टी छ भने तपाईले उसको समयसीमा बढाइदिन सक्नुहुन्छ । तर, बालबालिकालाई आज एक दिनको लागि मात्रै छुट दिएको हो भनेर भन्नुपर्छ र यो सधैंको लागि होइन भन्नुपर्छ ।

बालबालिकाले गल्ती गरेमा त्यसको परिणामस्वरूप केही काम गर्न लगाउने

बालबालिकाले केही नराम्रो व्यवहारको सजायस्वरूप तपाईले घरमा सघाउने खालका काम दिन सक्नुहुन्छ । बालबालिकाहरूले कुनै नियम तोडे भने सजायको आशा गरेका हुन्छन् । जब कि किशोरकिशोरीले आफ्नो गल्ती स्वीकार गर्न खोज्दैनन् । उनीहरूलाई निराश नबनाउनुहोस् । केही काम बिगारेबापत घरको केही सहयोगी काम लगाइदिँदा उनीहरू खुसी हुन्छन् ।

आफूले लागू गर्न नसक्ने कुनै पनि कुराको चेतावनी नदिने

जब आमाबुबाले रिसको झोँकमा आफ्ना बालबालिकालाई विभिन्न चेतावनीहरू दिन्छन् त्यसले झनै समस्या निम्त्याउँछ । अझै लागू नै गर्न नसकिने खालको अव्यावहारिक चेतावनी दिएमा उनीहरू झन् अटेरी हुन्छन् ।अनलाइनखबर बाट सभार

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.