सुदूरपश्चिम खबर
sudurpashimkhabar.com

सौर्य आँधीका कारण महिनौंसम्म इन्टरनेट बन्द हुन सक्ने

149
Sana Kishan

लामो समयदेखि अनुसन्धानकर्ताहरूले ठूलो सौर्य आँधी आए पृथ्वीमा रहेका विद्युतीय प्रविधिमा असर पर्न सक्ने बताउँदै आएका छन् ।

यसैबीच सौर्य आँधीकै विषयमा नयाँ अध्ययन सार्वजनिक भएको छ, जसले कतिपय महादीपमा महिनौंसम्म इन्टरनेट बन्द हुनसक्ने बताएको छ ।

Arus

सय वर्षमा एकपटक आउने यस्तो सौर्य आँधीले महिनौंसम्म इन्टरनेट सेवा अवरुद्ध हुनसक्ने निष्कर्ष सो अध्ययनले निकालेको हो ।

गत महिनामा सिगकम २०२१ कन्फ्रेन्स आयोजना भएको थियो । उक्त कन्फ्रेन्समा युनिभर्सिटी अफ क्यालिफोर्नियाकी प्रोफेसर संगीता अब्दु ज्योतिले उक्त अध्ययन प्रतिवेदन प्रस्तुत गरेकी थिइन् ।

Karnali Traders

सो क्रममा उनले हाल समुन्द्र सतहमुनी बिछ्याइएका केबलको अवस्था नाजुक रहेकाले सौर्य आँधीको असर त्यसमा पर्नसक्ने बताइन् ।

‘यसको प्रभाव अन्य महादीपमा पनि पर्नेछ,’ उनले भनिन्, ‘किनभने त्यही समुन्द्र सतहमुनी बिछ्याइएका केबलमार्फत धेरै महादीप इन्टरनेटसँग जोडिएका छन् ।

उनले अगाडि भनिन्, ‘कोभिड–१९ को महामारीका लागि विश्व कति पनि तयार थिएन भन्ने देखिएको छ । त्यस्तै ठूलो सौर्य आँधीका लागि पनि हामी तयार छैनौं । हाम्रो पूर्वाधार पनि त्यो अनुसार तयार छैन ।’

अध्ययनका अनुसार समुन्द्र सतहमुनी बिछ्याइएका झण्डै ५० देखि एक सय ५० किलोमिटर फाइबर अप्टिक केबलमा सौर्य आँधीले असर पार्नेछ । जसबाट ठूलो संख्यामा इन्टरनेट प्रयोगकर्ता प्रभावित हुनसक्ने अनुमान गरिएको छ । टेकपाना बाट सभार

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.