Bedkot Samudayik Ban

श्रीमान श्रीमतीले कहिल्यै नगर्नुस् अरुसँग यी ५ कुरा !!

Sana Kishan
Total
56
Shares

श्रीमान् श्रीमती एकै रथका दुई पांग्रा हुन्। रथको एक पांग्रा विग्रिए वा नभए रथ अगाडि जान सक्दैन त्यस्तै श्रीमान् श्रीमतीबीच समस्या उत्पन्न भयो भने रथ रुपी सम्बन्धपनि अघि बढ्न सक्दैन। त्यसमा समस्या उत्पन्न हुन जान्छ।

Arus

त्यसैले श्रीमान् श्रीमतीले वैवाहिक जीवन सन्तुलित र सधैं सुखी राख्नको लागि सचेत हुनुपर्छ। पतिपत्नी बीच कहिलेकाहीँ झगडा हुन्छ। ‘बुढाबुढीको झगडा परालको आगो’ भन्ने त लोक उक्ति नै छ।

त्यसैले सामान्य समस्या पति पत्नीबीच पर्नु स्वभाविक नै हो । त्यस्ता समस्यालाई आपसी छलफल र कुराकानीबाट समाधान गर्न सकिन्छ।

यदी सामान्य समस्या पनि दुई जनाबाट बाहिर जान थाल्यो भने समस्याले थप जटिलता सिर्जना गर्छ । यस्तो व्यवहारले परिवार नै ध्वस्त हुने अवस्थामा समेत पुग्ने गरेको छ।

पतिपत्नीबीचको समस्या वा झगडालाई तेस्रो व्यक्तिसँग पु¥याउँदा दुई जनाबीचको दरार झन् बढ्ने भएका कारण यस्ता समस्यालाई सकेसम्म दुई जनाबीच नै समाधानको प्रयास गर्ने गर्नुहोस्।

पति पत्नीले आफ्नो व्यक्तिगत सम्बन्धका केही विषय अरुलाई र आफ्ना अतिनै मिल्ने साथीलाई पनि भन्न हुँदैन जसका कारण समस्या समाधान नभइ बृद्धि हुन्छ।

आफूहरुबीचको सम्बन्धका बारेमा खुल्ला रुपमा साथीहरुसँग कुरा गर्नु र व्यक्तिगत कुरालाई सामाजिक सञ्जालहरुमा सेयर गर्दा कहिले काही समस्या थप जटिल हुन जान्छ।

पतिपत्नीबीच कतिपय कुराहरु नितान्त व्यक्तिगत हुने गर्छ जुन कुरा तपाइँले अरु साथीलाई सुनाउँदा उसले त्यसस्ता कुरामा खेल्ने मौका पाउँछ। उसले त्यस्ता विषय तपाईंका शत्रु वा पतिरपत्नीलाई सुनाइदिने समस्या पनि पर्न जान सक्छ जसका कारण समस्या थप बढ्न जान्छ।

त्यसैले पति पत्नीले केही कुरालाई दुई जनाबीच मात्र सिमित राख्न जरुरी छ। यी ५ कुरालाई सकेसम्म तेस्रो पक्षसँग पुग्न नदिने प्रयास गर्नुभयो भने पति पत्नीबीच समस्या देखिने छैन।

पति पत्नीबीचको झगडा
पति पत्नीबीच कहिलेकाहीँ झगडा हुन सक्छ । माथि नै भनिएको जस्तो पति पत्नीको झगडा परालको आगो जस्तै हो । तर यही कुरा अर्को पक्षकहाँ पुग्दा त्यसले उग्र रुप लिने सम्भावना पनि हुन जान्छ ।

वा तेस्रो पक्षले त्यस्ता कुरामा खेल्ने सम्भावना पनि हुन जान्छ । त्यसैले पति पत्नीबीच भएको समस्यालाई आपसी छलफल कुराकानीमा समाधान गर्न जरुरी हुन्छ।

शयन कक्षका कुरा
पति पत्नीले शयन कक्षा वा वेडरुमका कुरालाई सामान्यतया दुई जनामा सिमित राख्दा फाइदा पुग्छ । यस्ता विषयमा मानिसहरुको विशेष चासो रहन सक्छ।

साथीभाइले निकै चासो पूर्वक सोधेको खण्डमा उत्साही हुँदै यस्ता कुराहरु खोल्दा ती विषय कुनै दिन मजाकको विषय बन्न पुग्न सक्छ।

Karnali Traders

एक जना मिल्ने साथीबाट अर्कोमा सेयर हुन जानसक्छ र त्यही कुरा पुन पति वा पत्नीले थाहा पाएमा त्यसले सबैभन्दा ठूलो समस्या ल्याउन सक्छ।

पति पत्नीबीच हुने यौन सम्बन्ध, प्रकृया, लगायतका विषयमा अन्यसँग खुलेर कुरा गर्दा कहिलेकाही त्यसले नकारात्मक असर पु¥याउन सक्छ ।

आर्थिक कुरा
पारिवारिक कलहको अर्को कारण आर्थिक पक्ष हो । आर्थिक रुपमा कमजोर अवस्था भएको खण्डमा यी समस्याहरु धेरै आउने गरेको पाइन्छ।

पतिले पत्नीको र पत्नीले पतिको कमाइ कम छ, राम्रो गर्न सकेकै छैन भन्ने अरुलाई सुनाउन जरुरी छैन । किनकी समस्याहरु त पति पत्नी मिलेर नै समाधान गर्ने हो।

आर्थिक रुपमा कमाइ गर्न सकेको छैन, पारिवारिक अवस्था यस्तो कमजोर छ लगायतका कुरा बाहिर गर्दा उनीहरुले तपाई माथि हेर्ने दृष्टिकोण र व्यवहारमा परिवर्तन गर्न सक्छन्।

नकारात्मक कुरा
पति पत्नीको सम्बन्ध सधैं राम्रो मात्र हुन्छ भन्ने हुँदैन । यो दुई पक्षबीचको आपसी सहमतिको सम्बन्ध भएका कारण यो सम्बन्धलाई राम्रो बनाउन सकेसम्म सकारात्मक सोच राख्न आवश्यक हुन्छ।

पति वा पत्नीको नकारात्मक मात्र कुराबारे साथीभाइसँग सेयर गर्नुभयो भने उनीहरुले पनि त्यसमा हो मिलाउने र दुई जनालाई मिलाउनु भन्दा एक पक्षलाई उचाल्ने, डिभोर्सका लागि उक्साउने आदी कार्य गर्न सक्छन्। त्यसैले नकारात्क विषयलाई मात्र नभइ सकारात्मक विषयलाई प्राथमिकता दिने गर्नुहोस्।

विवाह पूर्वको सम्बन्ध
पति पत्निले विवाह भन्दा पहिलाको सम्बन्धबारेमा कुरा गर्दा धेरैमा समस्या पर्ने गरेको छ । केहीले त्यस्ता सम्बन्धलाई स्वीकार गर्न सक्दैनन्।

त्यसैले यस्ता सम्बन्धहरुलाई सकेसम्म आफैंमा वा पति पत्नीबीचमा राख्ने गर्नुहोस् । ‘मेरो पतिको त पहिला फलानो फलानोसँग अफियर रहेछ नि’ वा मेरो पत्नीको फलानोसँग चक्कर चलेको रहेछ नि भन्दै मिल्ने साथीलाई भन्दा पनि त्यस्ता विषय अन्यत्रसम्म फैलने र रमाइलो रमाइलैमा साथी भाइले त्यस्ता विषयलाई उडाउने आदी गर्दा समस्याहरु उत्पन्न हुन जान्छ।

त्यसैले पारिवारिक समस्या पर्न नदिन पति पत्नीबीच छलफल र समझदारी सबैभन्दा महत्वपूर्ण कुरा हो। दुई जनाबीच हरेक विषयमा छलफल, समस्याको सुझवुझ पूर्ण समाधान गर्न सकिएको खण्डमा वैवाहिक जीवनलाई राम्रोसँग चलाउन सकिन्छ। नयाँ पुस्ता  बाट सभार

Total
56
Shares
kfg mit mart
Indreni
सम्वन्धित समाचार
Ganesh Samudayik Ban
Total
56
Share