काँकडा र टिष्टा पुग्यो लडेर नेपाली
संसार सारा जित्दै हिड्यो डटेर नेपाली
दुई पाखुरी खियाएर पाखा बारी डुल्दै
उँचो शिर राख्ने हिमाल चढेर नेपाली
पुर्खाले सम्हालेको फुलबारीलाई गोड्दै
आज काम विहिन भयो पढेर नेपाली
शिर घोप्टो पार्नु पर्यो आज आफ्नै देशमा
विश्वभरी शान्तिको बीज छरेर नेपाली
रमाउन चाहान्छ यो मीतबन्धु हाँस्दै
पीडा सारा जगतका हरेर नेपाली
रमेश पन्त “मीतबन्धु” को झुल्के घाम गजल सङ्ग्रह बाट
