जीवनको वनपाखामा हराएर खोजे तिमीलाई
लाख फूलबीच मन पराएर खोजे तिमीलाई
शहरका बगरमा रहरमा खोजे तिमीलाई
सगरका जूनतारा, झराएर खोजे तिमीलाई
सम्झनामा विर्षनामा, तिर्षनामा खोजे तिमीलाई
हार्नेसँग जित्नेसंग भिड्नेसँग खोजे तिमीलाई
भित्रभित्र मनमनै डराएर खोजे तिमीलाई
चारैतिर खोज्दा खोज्दा भेटिएनौँ शान्ति तिमी
आएनौ र चर्को स्वरले कराएर खोजे तिम्लाई
रमेश पन्त “मीतबन्धु” को झुल्के घाम गजल सङ्ग्रह बाट