सुदूरपश्चिम खबर
sudurpashimkhabar.com
Bedkot Samudayik Ban

खोटाङका योजनाका लागि प्रधानमन्त्रीसँग बजेट माग

36
Sana Kishan

नेपाली कांग्रेस खोटाङका नेता तथा कार्यकर्ताले प्रधानमन्त्री शेरबहादुर देउवासमक्ष दर्जनौँ योजनाका लागि बजेट माग गरेका छन् । महासमिति सदस्य एवं युवा नेता रविप्रकाश राई नेतृत्वको टोलीले बिहीबार कांग्रेस सभापतिसमेत रहेका देउवालाई प्रधानमन्त्री निवास बालुवाटारमा भेटेर जिल्लाका दर्जनौँ सडक तथा सिँचाइ योजनाका लागि बजेट माग गरेको हो ।

ध्यानाकार्षण टोलीले प्रधानमन्त्रीलाई मागपत्र बुझाउँदै जिल्लाको पाथेका–शनिबारे–बालाबेँसी–तापखोला पक्की सडक पुल (डिपिआर भइसकेको) दिक्तेल–अल्छेढुङ्गा–नेर्पा–दोर्पाचिउरीडाँडा–दोबेला हुँदै डाँडागाउँ–चखेवा सडक स्तरोन्नति तथा पक्की पुल निर्माण, पाथेका–शनिबारे–खार्ताम्छा–फेदी सडक स्तरोन्नति, ऐंसेलुखर्क–बाकाचोल–देउराली हुँदै सोलुखुम्बु जोड्ने सडक (डिपिआर भइसकेको), सिमेडाँडा–दिक्तेल–चुप्ला हुँदै नुनथला–बुइपा स्तरोन्नतिका लागि बजेट माग गरेको छ ।

Arus

यस्तै याम्खाबाट रमिते–गाईखाने हुँदै रिभ्यू स्कूल सडक स्तरोन्नति, खोटाङ बजारबाट बडका–सावाकटहरे–लिकुवापोखरी हुँदै पामाखाम भञ्ज्याङ भोजपुर सडक स्तरोन्नति, दिक्तेल रुपाकोट मझुवागढी नगरपालिका–७ दोर्पाचिउरीडाँडा थापागाउँबाट विद्योद्धय मावि हुँदै रकु–साल्मे–रतन्छा सडक निर्माण स्तरोन्नति, चिसापानी धाप्लाङ ग्रामीण सडक सुधार योजना, उदयपुर र खोटाङ जोड्ने पक्की पुल निर्माण, रसुवा–सिम्पानी–पानधारे सडक सुधार योजना, सिम्पानी–इन्द्रेणीपोखरी–चिप्रिङ–छितापोखरी ग्रामीण सडक सुधार योजनाका लागि आवश्यक बजेट विनियोजन गरिदिन प्रधानमन्त्री देउवासमक्ष माग गरिएको सो टोलीले जनाएको छ ।

Nepali Khaja
Karnali Traders

ध्यानाकार्षण टोलीले साकेला गाउँपालिका–१ बाँझेच्यानडाँडा, राजकुलो सिँचाइ योजना–बाँझेडाँडागाउँ (डिपिआर सम्पन्न), बराहपोखरी गाउँपालिका–३ साउनेचौरस्थित साउने साठी कुलो सिँचाइ योजना ९डिपिआर सम्पन्न०, बाम्राङस्थित साँघु खोला–झिसेपु–नेवागाउँ सिँचाइ कुलो योजना, फाक्टाङको बेतुवास्थित दिहुँखोला मुहान गरी सिम्पानी–लिच्कीराम्चे खानेपानी योजना, कपुवाखोला मुहान गरी बेतुवा सिँचाइ योजना, लपुवाखोला मुहान गरी लामीडाँडा टप्पु सिँचाइ योजना, फाक्टाङस्थित टप्पु भञ्ज्याङखर्क र पाने खोला–मार्ला हुँदै बेतुवा सिँचाइ योजना, फाक्टाङका लागि प्रधानमन्त्रीसमक्ष बजेट माग गरेको टोली संयोजक राईले जानकारी दिए ।

संयोजक राईका अनुसार जन्तेढुङ्गा गाउँपालिका–६ दिप्लुङमा आदिवासी जनजाति सङ्ग्रहालय भवन निर्माण गर्न, दिप्लुङमै पर्ने भानुमति मन्दिर तथा पर्यटन क्षेत्र सुधार र जन्तेढुङ्गा पर्यटन क्षेत्र सुधार योजनाका लागि समेत प्रधानमन्त्री देउवासमक्ष आवश्यक बजेट माग गरिएको छ । उपहार खबर बाट सभार

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.