माग्दा साथ नदिएरै फेरी के-के दिए भन्छौ
व्यर्थ झुठ गर्छौ किन दुःखका आँसु पिए भन्छौ
गुलाबझैँ मुस्काउने जूनतरसंगै हाँस्ने
वाचा कसम सारा तोडी तिम्रै निम्ति जित भन्छौ
लाज सरम पनि अहो नहुने भो कसैलाई
अर्कैसँग मस्किएर फेरि तिम्रै थिए भन्छौ
हृदयको चोटलाई जिन्दगीको राग सम्झी
बाँचिरा’छु अलापेर तिमी घाउ सिए भन्छौ
भो बैगुनी नसताउ धोखा दिनु दिइ सक्यौ
मात्तिएर फेरी किन तिम्रो धड्कन लिए भन्छौ
रमेश पन्त “मीतबन्धु” को झुल्के घाम गजल सङ्ग्रह बाट
