सुदूरपश्चिम खबर
sudurpashimkhabar.com

सार्वजनिक संस्थानलाई नाफामा लैजाने गरी तयारी गर्न अर्थ मन्त्रीको निर्देशन

145
Sana Kishan

अर्थ मन्त्री जनार्दन शर्माले सरकारको स्वामित्वमा रहेका सार्वजनिक संस्थानहरूलाई नाफामा लैजाने गरी नीतिगत तथा कानुनी सुधारको तयारी गर्न निर्देशन दिनुभएको छ ।

मन्त्रालयको वित्तीय व्यवस्थापन तथा संस्थान समन्वय महाशाखाको ब्रिफिङ लिने क्रममा आज बुधवार अर्थ मन्त्री शर्माले घाटामा सञ्चालित सार्वजनिक संस्थानहरूलाई उकास्ने नीति र कार्यक्रम तय गर्न निर्देशन दिनुभएको हो ।

Arus

के–कस्तो नीति बनाउँदा सार्वजनिक संस्थानहरूलाई नाफामा लिन सकिन्छ ? के–के समस्या समाधान गर्नुपर्ने हो ? तत्काल त्यसको विस्तृत सूची तयार गर्नुस्, मन्त्री शर्माले कर्मचारीलाई निर्देशन दिनुभयो ।

Karnali Traders

कार्यक्रममा अर्थ सचिव मधुकुमार मरासिनीले नेपाल सरकारको ६ खर्ब रुपैयाँ लगानी रहेको सार्वजनिक संस्थानहरूले ३० हजार रोजगारी पनि सिर्जना गर्न नसकेको र नाफा आर्जन गर्नुको सट्टा उल्टै सरकारलाई दायित्व थपेको बताउनुभयो । नाफामा लैजाने उद्देश्यका साथ निजीकरण गरिएका कतिपय संस्थानसमेत नोक्सानीमा रहेको भन्दै उहाँले सुधारका लागि नीतिगत परिवर्तनको आवश्यकतामा जोड दिनुभयो ।

सरकारको स्वामित्वमा सञ्चालित सार्वजनिक संस्थान ४४ वटा रहेका छन् । यसमध्ये २४ वटा कम्पनी सामान्य नाफामा छन् भने १८ वटा घाटामा रहेका छन् । उज्यालो अनलाइन बाट सभार

 

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.