बैतडीमा बिहिबार थप ५१ जनाले कोरोना जितेका छन ।
बिहिबार जिल्लामा रहेका ५१ जनाले कोरोना जितेको स्वास्थ्य कार्यालयले जनाएको छ । यस्तै बिहिबार जिल्लामा थप २९ जनामा संक्रमण पुष्टि भएको छ । पाटन नगरपालिकामा १६ जना, मेलौली नगरपालिकामा६ जना, पुर्चौडी नगरपालिकामा ३ जना , पञ्चेश्वर गाउँपालिकाका २ जना, दशरथचन्द नगरपालिका र मुगु जिल्लाका १÷१ जनामा संक्रमण पुष्टि भएको स्वास्थ्य कार्यालयले जनाएको छ ।
यो सँगै जिल्लामा सक्रिय संक्रमितको संख्या ३ सय ६८ रहेको छ । सक्रिक्य संक्रमित मध्ये सबैभन्दा बढि पाटन नगरपालिकामा ८३ जना, दशरथचन्द नगरपालिकामा ८१ जना , डिलाशैनी गाउँपालिकामा ६१ जना सक्रिय संक्रमित रहेका छन् ।
यस्तै दोगडाकेदार गाउँपालिकामा ३० जना, सुर्नया गाउँपालिकामा २८ जना, मेलौली नगरपालिकामा २२ जना, सिगास गाउँपालिकामा २० जना, पञ्चेश्वर गाउँपालिकामा १८, शिवनाथ गाउँपालिकामा १६ जना, पुर्चौडी नगरपालिकामा ५ जना सक्रिय संक्रमित रहेका छन् । बैतडीमा अन्य ठाउँका ४ जना सक्रिय संक्रमित रहेका छन् ।
जिल्लामा अहिले सम्म कोरोनाबाट १५ जनाको मृत्यु भईसकेको छ । (radio7star बाट सभार)
