मनोज प्रसाद भट्ट, बैतडी– बैतडीको दशरथचन्द नगरपालिका वडा नं ०१ मा आइसोलेसन निर्माण गरिएको छ ।
वडा नं ०१ मडिलेमाडौँ स्थित नेपाल आधारभुत बिद्यालयमा २० बेडको आइसोलेसन सेन्टर निर्माण गरिएको वडा अध्यक्ष भुवनराज भट्टले जानकारी दिनुभयो ।
कोरोना संक्रमण नियन्त्रण तथा रोकथामका लागि नगरपालिकाले सबै वडामा संस्थागत आइसोलेसन निर्माण गर्ने निर्णय गरेकाले सोहि निर्णय अनुसार वडा नं ०१ मा पनि आइसोलेसन निर्माण गरिएको अध्यक्ष भट्टले बताउनुभयो ।
नयाँ थपिने संकमितहरुका लागि अहिले २० बेडको आइसोलेसन निर्माण गरिएको र अवस्था हेरेर बेड थप गरिने उहाँको भनाई छ ।
दशरथचन्द नगरपालिकामा कोरोनाका संक्रमित बढ्दै गएपछि वडा वडामा आइसोलेसन बनाउने निर्णय भएको थियो । दशरथचन्द नगरपालिका वडा नं ०१ मा अहिले १२ कोरोनाका सक्रिय संक्रमित रहेका छन् ।
दोस्रोलहरको कोरोना फैलिएयता वडा नं ०१ का १७ जनामा कोरोना संक्रमण देखिएकोमा ५ जनाले कोरोना जितिसकेका छन् भने अहिले १२ कोरोनाका सक्रिय संक्रमित रहेका छन।
