दुध सामान्यतया हानीरहित पोषिलो पदार्थ हो भन्ने मानिन्छ। अझ भैसी भन्दा गाईको दुध जुनसुकै अवस्थामा जोसुकैले पिउँन सकिने भनेर धेरै बिरामीहरुलाई सिफारिस पनि गरिन्छ। तर दुधका पनि आफ्नै सिमाहरु छन् ।
जुनसुकै खानासँग दुध खाने हो भने अथवा दुध खाने बित्तिकै ति कुराहरु खाने हो भने शरिरमा हानी गर्छ । यस्तै कुरा थाहा नपाएर हामी कति जना फुड पोइजनिङको शिकार पनि हुने गर्छौँ । दुधसँग खान नहुने कुराहरु जसका बारेमा थाहा नपाएर हामी बिरामी हुन्छौ ।
– कालो दालसँग दुध हामीले प्राय दुध खानासँग प्रयोग गर्ने गर्छौ । तर, यदी खानामा कालो दालको प्रयोग गरिएको छ भने त्यस्तो अवस्थामा दुध नपिउनु राम्रो हुन्छ । यसले स्वास्थ्यलाई उल्टै असर गर्छ ।
– दहीसँग दुध दुधका साथै दही कहिल्यै पनि नपिउनुहोस् । दही र दुध सँगै लिँदा छालाको रोग लाग्ने सम्भावना बढी हुन्छ ।
– मूला, माछामासु जस्ता पदार्थसँग दुध दुधको साथमा मूला, माछामासु जस्ता पदार्थ नलिनुहोस् । यी चीज दुधसँग प्रयोग गर्दा यसले झन् नकारात्मक असर पर्छ । यसको प्रयोगले तपाइको छालामा समस्या देखिन सक्छ । माछा निकै गर्मी चीज हो तातो चिसोको एकैपटक शरीरले पचाउँन सक्दैन र सेतो दाग वा ‘फ्लेरी’ हुन शुरु गर्दछ।
– नुन र करेलासँग दुध दुधसँग नुन र करेला खानु पनि फाइदाजनक हुँदैन। यसले स्वास्थ्यलाई नकारात्मक असर गर्छ।
– तिलको सेवनसँग दुध दुधसँगै तिलको सेवन गर्नु पनि हानिकारक हुन्छ। यसले छालाको रोग आउन सक्ने सम्भावना बढी हुन्छ।– कागतीसँग दुध दुधसँग कागती लिनु पनि निकै हानिकारक हन्छ।
– रहरको दालसँग दुध रहरको दाल र दुध दुवैले पच्नका लागि धेरै समय लिन्छन। यी दुवै खानेकुराहरु एकै चोटी खानाले अपच हुने र ग्याँसको समस्या देखापर्न सक्छ।
– नुनिलो खानेकुराहरु सँग दुध दुधको साथमा चिप्स, नमकिन जस्ता खानेकुराहरु नखानुहोस्। नुनको कारण दुधमा हुने प्रोटिनको पुरै फाइदा हाम्रो शरिरले लिन सक्दैन र छालासँग सम्बन्धित समस्याहरु देखा पर्न पनि सक्छन् ।
– प्याजसँग दुध खानामा प्याज छ भने खानासँग वा खानापछि दुध नखानुहोला। यो मिश्रणले छालामा दाद, एलर्जी सोराइसिस लगायतका समस्या निम्तिन सक्छन्।
– खुर्सानी र मसलादार खानासँग दुध खुर्सानी र मसलादार खाना खाँदै हुनुहुन्छ भने यसको साथमा दुध र दुधजन्य परिकारहरु नखानुहोला। यी खानेकुराहरु सँगसँगै खाएमा पेट दुख्ने, एसिडिटि, ग्यास र बान्ता हुने जस्ता सम’स्याहरु आउन सक्छन्।
– केरासँग दुध रुघाखोकीको समस्या छ भने दुधको साथमा केरा नखानुहोला। यसले झनै खोकी बढाँउछ। (gnewsnepal बाट सभार)
