काठमाडौं : वैशाख २२ र २३ गते सांसदको कोरोना परीक्षण हुने भएको छ। संघीय संसद सचिवालयका अनुसार दुई दिन बिहान १० बजेदेखि साँझ ५ बजेसम्म सांसदको पीसीआर परीक्षणका लागि संसद् भवन नयाँ बानेश्वरमा स्वाब संकलन गरिने छ।
सरकारको सिफारिसमा राष्ट्रपतिबाट वैशाख २७ गतेका लागि प्रतिनिधिसभाको विशेष अधिवेशन आह्वान भएपछि कोरोना परीक्षण हुन लागेको हो। संसदसँगै संघीय संसद सचिवालयका कर्मचारी, मर्यादापालक र संसदीय रिपोर्टिङमा खटिने पत्रकारको स्वाब संकलन गरिने छ।
प्रधानमन्त्री केपी ओलीले विश्वासको मत लिने प्रयोजनका लागि मात्र संसदको विशेष अधिवेशन वैशाख २७ गतेका लागि बोलाइएको हो। (annapurnapost बाट सभार)